އަލަތު ދަރިފުޅަށް ބަލިވެ އިން އާލިއާ ބަޓްގެ "ޕްރެގްނެންސީ ކްރޭވިންގްސް" އަކީ ޕިއްޒާ ކަމަށް ބުނެ ފޭނުން ކުރެ އެންމެ މީރު ޕިއްޒާއެއް ލިބޭނީ ކޮންތާކުންތޯ ސުވާލު ކޮށްފިއެވެ.
އާލިއާ ބަލިވެ އިންފަހުން އެންމެ ކާހިތްވަނީ ބެލެވޭ ގޮތުގައި ޕިއްޒާއެވެ. އެހެންވެ އެންމެ މީރު ޕިއްޒާ ވިއްކާ ތަނެއް ހޯދަނީ ކަމަށް ބެލެވޭ ކަމަށް ރިޕޯޓްތައް ބުނެއެވެ.
އާލިއާ މިހާރު ގުނަމުން އަންނަނީ އޭނާގެ 3 ވަނަ ޓްރިމެސްޓާގެ ދުވަސް ތަކެވެ. އާލިއާ ބަނޑުބޮޑުކަން އިއުލާން ކުރީ އިންސްޓަގްރާމް ގައި ޕޯސްޓް ކުރި ފޮޓޯއަކާއި އެކުގައެވެ.
އާލިއާ އާއި ރަންބީރު ކަޕޫރު ކައިވެނި ކުރީ މިއަހަރުގެ އެޕްރިލް މަހުގެ 14 ވަނަ ދުވަހުއެވެ. އަދި ކައިވެންޏަށް ދެމަސް ނުވަނީސް އާލިއާ ވަނީ ބަނޑުބޮޑުކަން އިއުލާން ކޮށްފައެވެ.
އާލިއާ އާއި ރަންބީރު ލޯބީގެ ގޮތުން ގުޅުނީ އެމީހުން އެކުގައި ކުޅުނު ފިލްމު "ބްރައްމަސްތުރާ" ގެ ސެޓުންނެވެ. 5 އަހަރުގެ ދިގު މުއަދަތެއް ނެގި ފިލްމު ރިލިޒް ކޮށްފައިވަނީ މި މަހުގެ 9 ވަނަ ދުވަހުއެވެ މި ފިލްމު ވެގެން ގޮސްފައިވަނީ ވަރަށް ވެސް ކާމިޔާބު ފިލްމަކަށެވެ. ގިނަ ރެކޯޑްތައް މުގުރަމުން އަންނަ ފިލްމަށް ވަނީ ދުނިޔޭގެ އެކި ކަންކޮޅުތަކުން ބޮޑު ތަރުހީބެއް ލިބިފައެވެ.
ކޮމެންޓު ފޮނުވާ