ނޯވޭގެ ވެރިރަށް އޮސްލޯގައި މިއަދު ބޭއްވި "އޮސްލޯ މެރަތަން" ގެ ހާފް މެރަތަން ކެޓަގަރީގައި ވާދަކޮށް، ރާއްޖޭގެ ކުރީގެ އެއްވަނަ އަންހެން ދުވުންތެރިޔާ ޝަމްހާ އަހުމަދު ގައުމީ ރެކޯޑް މުގުރާލައިފިއެވެ.
ޝަމްހާ ގައުމީ ރެކޯޑު މުގުރާލީ 1 ގަޑިއިރާއި 27 މިނެޓު 51 ސިކުންތުން ރޭސް ނިންމައިގެންނެވެ. މި އިވެންޓުގެ ގައުމީ ރެކޯޑު ކުރިން އޮތީ މަރްޔަމް އަބްދުލް ކަރީމް (މަރީ) އަތުގައެވެ. މަރީ ހާފް މެރެތަންގެ ގައުމީ ރެކޯޑު އެންމެ ފަހުން ހެދީ މިއަހަރުގެ ފެބްރުއަރީ މަހު ޔޫއޭއީގައި އޮތް ރަކް އަލް ހައިމާ ހާފް މެރެތަންގަ އެވެ. އޭރު މަރީގެ ޓައިމިން އަކީ 1 ގަޑިއިރާއި 30 މިނެޓު 46 ސިކުންތެވެ.
ތަޖުރިބާކާރު މެރަތަންް ދުވުންތެރިޔާ ނަސްރުގެ ބެލުމުގެ ދަށުން ތަމްރީން ހަދަމުން އަންނަ ޝަމްހާ ވަނީ މި އަހަރު ފަސް ކިލޯމީޓަރުގެ ގައުމީ ރެކޯޑުވެސް އާކޮށްފައެވެ. ޖަރުމަނުގައި ބޭއްވި ދަ އީވިއެލް ހާފް މެރަތަންގެ ފަސް ކިލޯ މީޓަރުގެ ރޭހުގައި ވާދަކޮށް ޝަމްހާ ރެކޯޑު ހެދީ 20 މިނެޓު އަށް ސިކުންތުން ރޭސް ނިންމައިގެންނެވެ.
Congratulations @shamhaAhmed on breaking the half marathon record 👍🏼👏🏼👏🏼
Shamha’s record 1:27:25 at BMW Oslo Marathon breaks the record 1:30:51 of Mariyam Abdul Kareem’s record which was made on February 2022 @AthleticsMv pic.twitter.com/YGDHzDrEoN— Mohamed Tholal (@Tholal) September 17, 2022
މިދިޔަ މަހުގެ ނިޔަލަށް އަންހެނުންގެ 100 މީޓަރުގެ ގައުމީ ރެކޯޑް 19 އަހަރު ވަންދެން ދެމެހެއްޓި ޝަމްހާ އެ މަގާމު ނިންމުމަކީ ކުރިން ސްޕްރިންޓް ރޭސްތަކުގައި ދުވި ދުންތެރިޔަކާ ބަލާއިރު ބޮޑު ކުރި އެރުމެކެވެ. އޭނާ ވަނީ މީގެ ކުރިން ވެސް ޑިސްޓެންސް ރޭސްތަކުގައި ވެސް ވާދަކޮށްފައެވެ.
އޮސްލޯ މެރެތަންގައި ދުވުމަށް ފަހު ޝަމްހާ މިހާރު ތައްޔާރުވަމުން އަންނަނީ މި މަހުގެ 25 ވަނަ ދުވަހު އޮންނަ ބާލިން މެރެތަންގައި ވާދަކުރުމަށެވެ. ޝަމްހާއާ އެކު ކުރިއަރަމުން އަންނަ އަންހެން މެރެތަން ދުވުންތެރިޔާ އައިޝަތު ރިޝްމީ ވެސް ވަނީ، އޮސްލޯ މެރަތަންގައި ދުވެފައެވެ. ރިޝްމީގެ ޓައިމިން އަކީ 1 ގަޑިއިރާއި 33 މިނެޓު 58 ސިކުންތެވެ.
