ދީނީ ޢިލްމުވެރިޔާ ޝައިޚު އަލީ ޒައިދު "ކައިވެނި މަދަހަ" އަލްބަމެއް ނެރުމަށް ނިންމަވައިފިއެވެ.
މިމަދަހަ އަލްބަމްގެ މަސައްކަތް ކުރައްވާތާ ދުވަސްތަކެއް ވެފައިވާއިރު، އަލްބަމްގެ ހުރިހާ މަދަހައެއް ރެކޯޑްވެސް މިހާރު ވަނީ ނިމިފައެވެ. މި އަލްބަމްގައި މަދަހަ އަލްބަމް ތަކުގައި އާންމުކޮށް ހިމެނޭ އަދަދަށްވުގެ ގިނަ މަދަަ ހިމެނެއެވެ. މިއަލްބަމްގައި ޖުމްލަ 16 މަދަހައެއް ހިމެނެއެވެ.
މުޅިންވެސް އަމިއްލަ ރާގުތަކަށް ހަދާފައިވާ މަދަހަތައް ރާއްޖޭގެ އެކި ފަންނާނުންގެ އަޑުން އިވިގެންދާނެކަމަށް ޝައިޚު ޒައިދު ވިދާޅުވިއެވެ. ޝައިޚު ވިދާޅުވީ މިފަދަ އަލްބަމެއް ނެރުމުގެ އެންމެ ބޮޑު މަޤުސަދަކީ ކައިވެނި ހަފްލާތަކުގައި ޚާއްސަ ތާރަޖަހާފައިވާ އިސްލާމީ ހުދޫދުގެ ކައިވެނި މަދަހަ ބޭނުން ކުރެވޭނެ އިންތިޒާމެއް ހަމަޖެއްސުމަށް ކަމަށެވެ.
الحمد لله!
Good news! We have completed our Kaiveni Album which includes 16 tracks n we are planning to release it soon insha Allah! I thank all the people who helped us making this dream come true! 💚❤️💜💙 https://t.co/SxnFibd5Vg— Ali Zaid (@alizaid1000) September 8, 2022
މަދަހަ އަލްބަމްގެ މަސައްކަތް މިހާރު ނިމިފައިވާއިރު، ތައްޔާރު ވަމުންދަނީ ވަރަށް އަވަހަށް އަލްބަމް ނެރުމަށްކަމަށް ޝައިޚު ޒައިދު ވިދާޅުވިއެވެ. މިއީ ކައިވެނި ހަފްލާތަކަށް އަމާޒުކޮށްގެން ރާއްޖޭގައި ނެރޭ މިފަދަ ފުރަތަމަ އަލްބަމެވެ. އަދި މިއީ ދީނީ އިލްމުވެރިޔަކު އިސްނަންގަވައިގެން ނެރުއްވާ މިފަދަ ފުރަމަތަމަ އަލްބަމްވެސް މެއެވެ.
ޝައިޚު ޒައިދަކީ ދީނީ ހޭލުންތެރިކަން އިތުރު ކުރުމަށާއި، ދީނީ ގޮތުން ސައްޚަ މައުލޫމާތު އާންމުންނަށް ފޯރުކޮށް ދެއްވުމަށް ވަަރަށް ގިނަ މަސައްކަތް ކުރައްވާ ބޭފުޅެކެވެ.
