މަސްތުވާތަކެތި ޓްރެފިކް ކުރުމުގެ މައްސަލައެއްގައި ރައްހމަތްތެރިޔާގެ ބައްޕަ ސަލާމަތްކުރަންކަމަށް ބުނެ، އެ ދައުވާއަށް މީހަކު އިއުތިރާުވުމުން ޢުމުރަށް ޖަލަށް ލާން ޙުކުމް ކޮށްފިއެވެ. ޢުމުރަށް ޖަލަށް ލުމުގެ އިތުރުން އޭނާ ވަނީ 2 ލައްކަ ރުފިޔާއިން ޖޫރިމަނާވެސް ކޮށްފައެވެ.
އަޖުވަދު މުހައްމަދު ނަމަކަށް ކިޔާ އެމީހާގެ މައްޗަށް އެ ހުކުމް އިއްވީ 2019ގެ ޑިސެމްބަރުގައި މާލެއިން ފުރަން އުޅުނު ލޯންޗެއްގައި ހުރި އެހެން މީހެއްގެ އަތުން 19 ގްރާމްގެ މަސްތުވާތަކެތި ފެނުނު މައްސަލާގަގައި އުފުލި ދައުވާއާއި ގުޅިގެންނެވެ. އެތަކެއްޗަކީ އަޖުވަދުގެ މަސްތުވާތަކެތި ކަމަށް ބުނެ ތަހުގީގުގައި އޭނާ އެއްބަސްވިއެވެ.
ޑައިމޯފިން ޓްރެފިކް ކުރުމުގެ ދައުވާ އުފުލުމުން އިބްތިދާއީ މަރުހަލާގައި އޭނާ އެންމެ ފުރަތަމަ އެ ދައުވާއަށް ފުރަތަމަ އިންކާރުކުރިއެވެ. އޭނާ ވަނީ ތަހުގީގުގައި އިއުތިރާފްވީ ރަހުމަތްތެރިއެއްގެ ބައްޕަ ސަލާމަތްކޮށް ދިނުމުގެ ގޮތުން ކަމަށާއި، އޭނާއާއި މަސްތުވާތަކެއްޗާއި ގުލުން ނޯންނާނެކަމަށްވެސް ބުނެފައެވެ. ނަމަވެސް ނަމަވެސް ފަހުން އަނެއްކާވެސް އޭނާ ކޯޓުގައި ދައުވާއަށް އިއުތިރާފުވިއެވެ. އޭނާ ބުނީ ދައުވާއަށް އިއުތިރާފު ވަނީ އެއްވެސް މަޖުބޫރުކަމެއްނެތިކަމަށެވެ.
އޭނާގެ އިއުތިރާފުން އެ ކުށް ސާބިތުވާކަމަށް ހުކުމް ކުރީ ޤާޟީ ޙަސަން ސަޢީދެވެ. އޭނާގެ މައްޗަށް އިއްވި ހުކުމުގައި ވަނީ 25 އަހަރަށް ޖަލަށްލުމާއެކު އެއްމަސް ދުވަހުގެ ތެރޭގައި 2 ލައްކަ ރުފިޔާ ދެއްކުމަށެވެ.
