ބޮލީވުޑްގެ ބަތަލާ ކަރީނާ ކަޕޫރާއި ފިރިމީހާ، އެކްޓަރ ސައިފް އަލީ ޚާންގެ އިތުރުން އެމީހުންގެ ދެ ކުދިން ކަމުގައިވާ ތައިމޫރު އަދި ޖެހް ހަފްތާ ބަންދުގައި މަޖާކޮށްލުމަށް ވަނީ ސައިފްގެ ކާބަފައިގެ ގެ ކަމުގައިވާ ޕަތައުޑީ ޕެލަސްއަށް ގޮސްފައެވެ.
އެމީހުން މި ހަފްތާގެ ކުރީކޮޅު އެއާޕޯޓުން ފެނިގެން ގޮސްފައިވެއެވެ. މުމްބާއިގެ މި ގެއަށް އެމީހުން ހަފްތާ ބަންދު ހޭދަކޮށްލުމަށް ގޮސްފައިވާއިރު މި ދެތަރިން ވަނީ މުނި ފޫހި ފިލުވުމަށް ބެޑްމިންޓަން ކުޅެފައެވެ.
ހޯމަ ދުވަހުގެ ހެދުނުގެ ވަގުތެއްގައި ކަރީނާ ވަނީ އެމީހުން ބެޑްމިންޓަން ކުޅޭ ވީޑިއޯއެއް އޭނާގެ އިންސްޓަގްރާމްގައި ހިއްސާކޮށްފައެވެ.
View this post on Instagram
ކަރީނާ އާއި ސައިފް ކައިވެނި ކުރީ 2012 ވަނަ އަހަރުއެވެ. އެދެ ތަރިން އެކުގައިވަނީ ބައެއް ފިލްމުތަކުން ފެނިގެން ގޮސްފައެވެ. އެމީހުން ރައްޓެހިވީ އެކުގައި ކުޅުނު އަލަތު ފިލްމު "ތަޝަން" ގެ ސެޓުންނެވެ. މީގެއިތުރުން ދެތަރިން އެކުގައި ވަނީ "އޯމްކާރާ" "ކްރުބާން" އަދި "އޭޖެންޓް ވިނޯދް" އިން ފެނިގެން ގޮސްފައެވެ. ނަމަވެސް ކައިވެނި ކުރި ފަހުން ދެތަރިން އެކުގައި ކޮށްފައިވާ ފިލްމީ މަސައްކަތްތައް މަދެވެ.
