ވެރިކަމަށް އަންނަންވީ ޤާނޫނު އަސާސީއާއި ޤާނޫނުތަކާއި، ދީނާއި މިއްލަތާއި ނަސްލު ބަދަލުކޮށްގެން ނޫންކަމުގައި އެމްއެންޕީގެ ނާއިބު ރައީސް އަދި މަޝްހޫރު ވިޔަފާރަ ވެރިޔާ ގްލޯރިއާ ހުސެއިން ވިދާޅުވެއްޖެއެވެ.
ގްލޯރިއާ ހުސެން މިއަދު ކުރެއްވި ޓުވީޓެއްގައި ވިދާޅުވެފައިވަނީ، ވެރިކަމަށް އަންނަން ޖެހޭނީ މިއްލަތާއި ނަސްލުގެ އިތުރުން ގާނޫނު އަސާސީ ބަދަލު ކޮށްގެން ނޫން ކަމަށާއި، ވެރިކަމަށް އަންނަންވީ ގައުމުގެ މެޖޯރިޓީ ރައްޔިތުންގެ ތާއީދާއި ލޯބި ހޯދައިގެން ކަމުގައެވެ. އަދި ހުސެއިން ވިދާޅުވެފައިވަނީ، ރައްޔިތުންގެ ތާއީދު ހޯދައިގެން ވެރިކަމަށް އަދެވޭނެ ކަމުގެ ޔަގީންކަން ނެތް މީހުން ސިޔާސީ މަސައްކަތުން ދުރަށް ގޮސް، އުޅޭން އެންމެ ރަގަޅުވާނީ ކޮންމެވެސް އެހެންކަމަކާއި ގެންކަމުގައެވެ.
ވެރިކަމަށް އަންނަންވީ ޤާނޫނު އަސާސީއާއި ޤާނޫނުތަކާއި، ދީނާއި މިއްލަތާއި ނަސްލު ބަދަލުކޮށް ގެނެއް ނޫނެވެ.
ވެރިކަމަށް އަންނަންވީ މެޖޯރިޓީ ރައްޔިތުންގެ ރުހުމާއި ތާއީދާއި ލޯބި ހޯދައިގެންނެވެ. އެޔަގީންކަން ނެތްނަމަ ރަށުތެރެއިން އެހެން ކަމަކާ އުޅޭށެވެ.— Hussain Ismail (@Hussain_jfm) August 19, 2022
ގާނޫނު އަސާސީއައި ގާނޫނުތައް ބަދަލު ކޮށްގެން ވެރިކަމަށް އަންނަން ނުޖެހޭކަމަށް ހުސެން ވިދާޅުވެފައިވާއިރު، ގިނަ ބަޔަކު ދެކޭގޮތުގައި، ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރުމަށް އެމްޑީޕީގެ ރައީސް މުހައްމަދު ނަޝީދު މިހާރު ކުރައްވަމުން ގެންދަވާ މަސައްކަތްތަކަކީ ރިޔާސީ ނިޒާމެއްގައި ދެން ވަރިކަމަށް އާދެވޭނޭ ވަރުގެ ތާއީދެއް ނެތްކަން ކަށަވަރުވުމުން، ވެރިކަމުގެ ދަހިވެތިކަމުގައި ކުރައްވަމުން ގެންދަވާ މަސައްކަތްތަކެކެވެ.
ނަޝީދުވަނީ، ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރުމަށް މިރޭ ފެށޭ އެމްޑީޕީގެ ކޮންގްރެސްއަށް ގަރާރެއް ހުށަހަޅުއްވާފައެވެ.
އެހެންނަމަވެސް ނިޒާމު ބަދަލު ކުރުމަށް ނަޝީދު ކުރައްވަމުން ގެންދަވާ މަސައްކަތަކަށް ތާއީދު ނުކުރާކަން އެމްޑީޕީގެ އިސް ފަރާތްތަކުންވެސް ގެންދަވަނީ ހާމަ ކުރަމުންނެވެ. މީގެ ތެރޭގައި، ރައީސް ސާލިހުގެ އިތުރުން ކެބިނެޓްގެ ގިނަ ވަޒީރުންނާއި އެމްޑީޕީގެ އިސް އެހެން ގިނަ ފަރާތްތައްވެސް ހިމެނެއެވެ.
