ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯއިން ހެލްތު އެމަޖެންސީއެއްކަމަށް އިއުލާން ކޮށްފައިވާ މަކުނުވިދުރި ބަލީގެ ވެކްސިނާއި ބޭސް ލިބޭނޭ ގޮތް ބަލަމުންދާ ކަމުގައި އެޗްޕިއޭއިން ބުނެފިއެވެ.
ޑަބްލިއުއެޗްއޯއިން މަކުނުވިދުރިއަކީ ބައިނަލް އަގުވާމީ ހެލްތު އިމަޖެންސީއެއްކަމަށް ކަޑައެޅުމާއި ގުޅިގެން އެޗްޕީއޭއިން ނެރުނު ބަޔާނުގައި ބުނެފައިވަނީ، އެޗްޕިއޭއިން ބުނެފައިވަނީ، ދުނިޔޭގައި މިބަލި ފެތުރެން ފެށުމާއެކު އެ އޭޖެންސީއިން ދަނީ ބަލި ފެތުރެމުންދާ ގޮތް މޮނޮޓަރކޮށް ބައްޔާއި ގުޅޭގޮތުން ތައްޔާރީތަކާއި ދޭންޖެހޭ އިޖާބަ ދިނުމަށްޓަކާ ކުރާންޖެހޭ މަސައްކަތްތައް ކުރަމުން ކަމުގައެވެ.
މިގޮތުން މިބައްޔަށް ސިއްޙީ ޚިދުމަތްތެރިން އަހުލުވެރި ކުރުވުމާއި، ޓެސްޓު ކުރެވޭނެ ގޮތް ގާއިމްކުރުމުގެ މަސައްކަތައް ކުރިޔަށް ދާކަންވެސް އެޗްޕީއޭގެ ބަޔާނުގައި ފާހަގަ ކޮށްފައި ވެއެވެ. އަދި މީގެ އިތުރުން ސާރވެއިލެންސް ހަރުދަނާ ކުރުމާއި ބަލިޖެހޭ މީހުންނަށް ފަރުވާ ކުރުމާބެހޭ ގައިޑްލައިންތައް ކަނޑައެޅުންފަދަ މަސައްކަތްތަކާއެކު، ވެކްސިނާއި ބޭސް ލިބޭނެ ގޮތްތައްވެސް ބަލަމުންދާ ކަމުގައި އެޗްޕީއޭއިން ބުނެފައި ވެއެވެ.
ދުނިޔޭގައި މިހާރު ހަލުއިކަމާއެކު ފެތުރެމުންދާ އަދި ދުނިޔޭގެ ސިއްހަތު ޖަމިއްޔާއިން ބައިނަލްއަގުވާމީ ހެލްތު އިމަޖެންސީއެއްކަމަށް ކަނޑައަޅާފައިވާ މަކުނުވިދުރި ބަލި ދުނިޔޭގައި ފެތުރެމުންދާ ހާލަތަށް ބަލާއިރު މިބަލި ރާއްޖެ އައުމުގެ ފުރުސަތު އެބައޮތް ކަމުގައިވެސް އެޕީއޭއިން ވަނ ބުނެފަެވެ..
ޑަބްލިއުއެޗްއޯއިން މަކުނުވިދުރިއަކީ ބައިނަލް އަގުވާމީ ހެލްތު އިމަޖެންސީއެއްކަމަށް ކަޑައެޅުމާއި ގުޅިގެން އެޗްޕީއޭއިން ނެރުނު ބަޔާނުގައި ބުނެފައިވަނީ، ރާއްޖެއަށް މިބަލި އައުމުގެ ފުރުސަތު އޮތް ނަމަވެސް، ކޯވިޑް19 ފަދަ ބައްޔަކާ އަޅާބަލާއިރު މިފަދަ ބައްޔެއް ފެތުރުމުގެ ފުރުސަތު ބޮޑަށް އޮތީ ވަރަށް ގައިގޯޅިކޮށް އެކުގައި އުޅޭ މީހުންގެ މެދުގައި ކަމަށްވުމުން، މިބަލި ފެތުރޭ ގޮތާއި މިންވަރު ތަފާތު ވާނެކަމުގައެވެ.
އެޗްޕީއޭއިން ނެރުނު ބަޔާނުގައި ވަނީ، މަކުނުވިދުރީގެ އެއްވެސް އަލާމާތެއް ފެނިއްޖެނަމަ ވީހާވެސް އަވަހަކަަށް ސިްޙީ ޚިދުމަތްތެރިއަކަށް ދެއްކުމަށާއި ބަލި ކަށަވަރު ކުރެވެންދެންވެސް ވަގުތުން އެހެންމީހުންނާއި ގައިގޯޅި ވުމުން ދުރުވެ އެކަހެރިވުމަކީ މުހިންމު ކަމެއްކަމަށް ފާހަގަ ކޮށްފައެވެ. އަދި ޚާއްސަ ގޮތެއްގައި ބަލި ފެތުރުމުގެ ފުރުސަތު ބޮޑަށް އޮތް ފަރާތްތަކުން މިކަމަށް ޚާއްސަ ސަމާލުކަމެއް ދިނުމަށްވެސް އެވްޕީއޭއިން އިލްތިމާސް ކޮށްފައި ވެއެވެ.
އެޗްޕީއޭއިން ބުނެފައިވަނީ މުޖުތަމައުގައި މިބަލި ފެތުރުމުގެ ފުރުސަތު ކުޑަކަމުގައި ވީނަމަވެސް ރައްކާތެރިކަމުގެ ފިޔަވަޅުތައް އެންމެންވެސް އަޅައިގެން އުޅުމަށް އެ އޭޖެންސީން އިލްތިމާސް ކުރާ ކަމަށާއި، ގިނަގިނައިން އަތް ދޮވުމާއި، މީހުންގެ ތެރޭގައި އުޅޭއިރު، ވަކީން ޚާއްސަކޮށް ބަންދުތަންތަނުގައި މާސްކު އަޅައިގެން އުޅުމާއި ގިނަމީހުން އެއްވާ ތަންތަނަށް ނުދިއުންފަދަ ފިޔަވަޅުތައް އެޅުމަށް ސަމާލުވުމަށް އިލްތިމާސް ކުރާ ކަމުގައެވެ.
އެޗްޕީއޭއިން ބުނެފައިވާ ގޮތުގައި ދުނިޔޭގައި މިބަލި ފެތުރެން ފެށުމާއެކު އެ އޭޖެންސީއިން ދަނީ ބަލި ފެތުރެމުންދާ ގޮތް މޮނޮޓަރކޮށް ބައްޔާއި ގުޅޭގޮތުން ތައްޔާރީތަކާއި ދޭންޖެހޭ އިޖާބަ ދިނުމަށްޓަކާ ކުރާންޖެހޭ މަސައްކަތްތައް ކުރަމުންނެވެ.
