ޖާރމަނީގައި، މިހާރު ހުރި، މަކުނުވިދުރީގެ ވެކްސިންގެ ހުރިހާ ޑޯޒެއް ޖަހާ ނިންމުމަށް، އެގައުމުގެ އެގައުމުގެ ވެކްސިން އެޑްވަޒަރީ ކޮމިޓީއިން އެގައުމުގެ ސަރުކާރަށް އަންގައިފިއެވެ. އަދި ދެވަނަ ޑޯޒް ޖެހުމަށް ފެށުމަށް ހަމަޖެހިފައިވަނީ، ބޭނުންވާ މިންވަރަށް ވެކްސިންގެ ދެވަނަ ޑޯޒް ލިބުމުންނެވެ.
"މިހާރު އުފެދިފައިވާ އިފެކްޝަންގެ ރާޅަށް ހައްލެއް ހޯދާ، މަކުނުވިދުރި ފެތުރުން މަދުކުރުވުމަށް އަދި ކާރިސާއަކަށް ވެގެން ދިޔަ ނުދިނުމަށްޓަކާ ވަކި ގުރޫޕަކަށް ވެކްސިން ދީ ނިންމުމަކީ ވަރަށް މިހިންމު ކަމެއް،" ކޮމިޓީން ނެރެފައިވާ ބަޔާނުގައި ވިދާޅުވެފައި ވެއެވެ.
ޖާމަނީގައި މިހާތަނަށް މަކުނުވިދުރީގެ 2,110 ކޭސްވަނީ ފެނިފައެވެ. މުޅި ދުނިޔެއިން މިބަލީގެ 13,000 ކޭސްވަނީ ފެނިފައެވެ.
ކޮމިޓީން މަޝްވަރާ ދީފައިވަނީ، މަކުނުވިދުރިއަށް ހުށަހެޅިފައިވާ ނުވަތަ މި ބަލިޖެހުމުގެ ރިސްކުއޮތް 18 އަހަރުން މަތީގެ މީހުންނަށް، ބަވާރިއަން ނޯޑިކްއިން އުފައްދާފައިވާ ވެކްސިން ދިނުމަށެވެ.
މަކުނު ވިދުރު ޖެހުމުގެ ރިސްކު އެންމެ މަތީ ގިންތިތަކުގައި ހިމެނެނީ އެއް ޖިންސުން ގުޅުން ހިންގާ ފަރާތްތަކާއި، އޭގެ އިތުރުން ގައިންގަޔަށް އަރާ ބަލިތައް ޓެސްޓުކުރާ ލެބޯޓަރީތަކުގައި މަސައްކަތް ކުރާ މީހުންނަށެވެ.
ޖާމަނީގެ ރޮބާރޓް ކޮޗް އިންސްޓިޓިއުޓްއިން އާއި ހަވާލާދީ ޖާރމަނީގެ ވެކްސިން އެޑްވަޒަރީ ކޮމިޓީއިން ބުރާސްފަތި ދުވަހު ބުނެފައި ވާގޮތުގައި އެގައުމުގައި މި ވެކްސިްން ޖަހަންޖެހޭ 130،000 މީހުން އެބަތިއްބެވެ. އެހެންނަމަވެސް ބަވާރިއަން ނޯޑިކްސް ޖައިނިއޯސްގެ 40،000 ވެކްސިންއެވެ.
ވެކްސިން އެޑްވަޒަރީ ކޮމިޓީއިން ހާމަ ކޮށްފައިވާ ގޮތުގައި މިއަހަރުގެ 3 ވަނަ ކުއާޓަރުގައި ވެކްސިންގެ 200،000 ޑޯޒް އެގައުމަށް ލިބޭނެއެވެ.
