ބައިނަލް އަގުވާމީ ޔޯގާ ދުވަހާއި ގުޅިގެން ގަލޮޅު ރަސްމީ ބޯޅަ ދަނޑުގައި ހިނގައިދިޔަ ހަމަނުޖެހުންތަކުގެ ތުހުމަތުގައި ހައްޔަރުކޮށް، ވާނުވާގައި ބާތިއްބާފައިވާ މިހުންގެ ދިފާއުގައި އިދިކޮޅު ޕީޕީއެމް، ޕީއެންސީން މާދަމާރޭވެސް އެއްވުމެއް ބޭއްވުމަށް ނިންމައިފިއެވެ.
މާދަމާރޭ 8:30 ގައި ޕީޕީއެމް އޮފީސް ދޮރުމަތިން ފެށުމަށް ހަމަޖެހިފައިވާ މިހަރަކާތަކީ އެ ކޯލިޝަންގެ ހަރަކާތު ކޮމެޓީން އިސްނަގައިގެން ބާއްވާ ހަރަކާތެކެވެ. އިދިކޮޅު ފަރާތްތަކުން ބުނި ގޮތުގައި މި އެއްވުމަކީ އަދުލު އިންސާފުގެ ދާއިރާ ބަޔަކު ހިސާރުކޮށްފައިވާތީ އިންސާފު ނުލިބޭނެ ހާލަތެއް އޮތުމުން ރައްޔިތުންނަށް އިންސާފު ހޯދައި ދިނުމަށް ބާއްވާ ހަރަކާތެއް ކަމަށެވެ.
ޔޯގާ ދުވަހާ ދިމާކޮށް ގަލޮޅު ދަނޑުގައި ބޭއްވި ޔޯގާ ހަރަކާތުގެ ތެރެއަށް ބަޔަކު ވަދެގަނެ ހަމަނުޖެހުން ހިންގައި މީހުންނަށް ހަމަލާދީ މުދަލަށް ގެއްލުން ދިން މައްސަލައިގައި މިހާތަނަށް 21 މީހަކު ވަނީ ހައްޔަރުކޮށްފައެވެ. ނަމަވެސް ދެއްކޭނެ މާބޮޑު ހެކިތަކެއް ނެތުމުން މީގެ ތެރެއިން 6 މީހަކު ވަނީ ދޫކޮށްލާފައެވެ.
މިހާދިސާގައި ކަން ހިނގައިދިޔަ ގޮތް ހާމަކުރުމަށް ބޭއްވި ނޫސްވެރިންގެ ބައްދަލުވުމުގައި އެސިއްޓެންޓް ކޮމިޝަނާ އޮފް ޕޮލިސް އަލީ ޝުޖާއު ވިދާޅުވީ މިކަން ހިނގައިދިޔައީ ފުލުހުންގެ ސެކިއުރިޓީ ފެއިލިއާއަކުންކަމަށް ގަބޫލު ކުރާކަމަށެވެ. ފުލުހުންނަކީ މާލޭގައި ހިންގި މިއަށްވުރެ މާބޮޑު ހަމަނުޖެހުންތަކާއި، މުޒާހަރާތައް ހުއްޓުވުމުގައި ވަރަށް ޕްރޮފެޝަނަލްކޮށް މަސައްކަތް ކޮށްފައިވާ ބައެއްކަމަށާ، ނަމަވެސް މިހާދިސާއަށް ފުލުހުންނަށް އެވަރަށް ތައްޔާރު ނުވެވި ހަމަނުޖެހުން ނުހުއްޓުވުމަކީ ފުލުހުންގެ ފެއިލިއާއެއްކަމަށް އޭނާ ވިދާޅުވިއެވެ.
One Response
އިންޑިޔާ އައުޓް ކޮށްފަ، ޔޯގާ ހުއްޓުވާފަ، ވައިގާ ކަމެއް ނުހިފީމަ، ދެން ބާއްވަންވީ ޔާމީންޖަލަށް އިހްތިޖާޖު! “ވެރިކަމުން ބޭރުކުރީމަވެސް މިއުދަގުލަކުން ސަލާމަތެއް ނުވި” މީވެސް އިގްތިޖާޖު ކުރަން ރަގަޅު ކަމެކެވެ.