އަކްޝޭ ކުމާރު އާއި އިމްރާން ހާޝިމީއާ އެކު ކަރަން ޖޯހަރްގެ ދަރްމާ ޕްރޮޑަކްޝަނުން ގެނެސްދިނުމަށް ތައްޔާރުވާ ފިލްމު "ސެލްފީ" ސިނަމާތަކަށް އަންނާނެ ތާރީހު އާންމުކޮށްފިއެވެ.
ފިލްމުގެ ޕްރޮޑަކްޝަން ޓީމާއި ހަވާލާދީ ބޮލީވުޑްގެ ޚަބަރުތައް ގެނެސްދޭ މީޑިއާތަކުން ބުނީ ފިލްމު ސިނަމާތަކަށް ގެންނަން ޕްރޮޑަކްޝަން ޓީމުން މަސައްކަތް ކުރަނީ އަންނަ އަހަރުގެ ފެބްރުވަރީ މަހުގެ 24 ވަނަ ދުވަހު ކަމަށެވެ.
މިއަހަރުގެ މާރިޗު މަހު ޝޫޓިންގ ފެށި މި ފިލްމުގައި އަކްޝޭއާއި އިމްރާނާއެކު ފެނިގެންދާނީ ނުޝްރަތު ބަރޫޗާ އާއި ޑަޔާނާ ޕެންޓީއެވެ.
"ސެލްޕީ" އަކީ އަކްޝޭއާއެކު 2019 ގައި "ގުޑް ނިއުޒް" ގެނެސްދިން ޑައިރެކްޓަރ ރާޖް މެހެތާ ޑައިރެކްޓް ކުރާ ފިލްމެކެވެ.
މިއީ 2019 ގައި ގެނެސްދިން ކާމިޔާބު މަލަޔާލަމް ފިލްމު "ޑްރައިވިންގ ލައިސެންސް"ގެ ހިންދީ ރިމޭކެކެވެ.
މިއީ ދަރްމާ ޕްރޮޑަކްޝަންސްގެ އިތުރުން، ޕްރިތުވިރާޖް ޕްރޮޑަކްޝަންސް، މެޖިކް ފްރޭމްސް، އަދި ކޭޕް އޮފް ގުޑް ފިލްމްސް ގުޅިގެން ގެނެސްދޭ ފިލްމެކެވެ.
