މުޅި އިސްލާމީ ފޭރާން ވީދަމުންދާ ލިވާތުބާގައިގެ މީހުން ފިނި ކޮޓަރީގައި ތިބެފަ، ކުށްވެރި ނުވާބަޔަކު ޖަލުގައި ބޭތިއްވުމަކީ އެއްވެސް އުދުލުވެރިކަމެއް ނޫންކަމަށް ވިދާޅުވެ ޔޯގާ ހަރަކާތާއި ގުޅިގެން ތުހުމަތަސް ހައްޔަރުކޮށް ބަންދުގެ މުއްދަތު އިތުރު ކުރަމުންދާ މީހުން ދޫކޮށްލުމަށް ޑރ.ޝަހީމް ގޮވާލައްވައިފިއެވެ.
ޔމިދިޔަމަހުގެ 21 ވަނަ ދުވަހު ހިނގި ހަމަނުޖެހުމާއި ގުޅިގެން ތުހުމަތުގައި ވަނީ 21 މީހަކު ހައްޔަރު ކޮށްފައެވެ. އޭގެ ތެރެއިން އެކަކު ދޫކޮށްލި ނަމަވެސް ދެންތިބި އެންމެންގެ ބަންދަށް ދަނީ މުއްދަތު ހަމަވާއިރު މުއްދަތު އިތުރު ކުރަމުންނެވެ. މިމައްސަލާގައި އެންމެ ބޮޑަށް ފާޑުކިޔުން އަމާޒުވީ ދީނީ ދެ އިލްމުވެރިޔަކު ހައްޔަރުކޮށްފައި ވާނުވާ ޖަހާފައި ބޭތިއްބުމުނެވެ.
މިމައްސަލާގައި ކަންބޮޑުވުން ފާޅުކޮށް ޑރ.ޝަހީމް ވިދާޅުވީ ހައްޔަރުކޮށްފައިވާ ދެ ޢިލްމުވެރިން ކަމުގައިވާ ޝައިޚު އާދަމް ނިޝާންއާއި ޝައިޚު ފަޟްލޫނު މިނިވަންކުރަން ގޮވާލައްވާކަމަށެެ. އަދި އަނިޔާވެރި ޢަމަލެއް ހިންގިކަން ސާބިތުނުވާހާ ހިނދެއްގައި ހައްޔަރުކޮށްގެން ގެންގުޅުމަކީ އިސްލާމީ ޝާރީޢާއާއި ޤާނޫނުގެ ރޫޙާ ޚިލާފުކަމެއްކަމަށް ޑރ.ޝަހީމް ވިދާޅުވިއެވެ.
ޔޯގާޑޭގެ ޙާދިސާއާ ގުޅިގެން ޤާނޫނާ ޚިލާފު ޢަމަލު ހިންގި ފަރާތްތަކަކީ ކޮބައިކަން ދެނެގަތުމަށް އެ ޙާދިސާގެ އިންޞާފުވެރި ފުރިހަމަ ތަޙުޤީޤެއް ހިންގުން މުހިންމުކަމުގައިވެސް ޑރ.ޝަހީމް ވިދާޅުވިއެވެ.
ޤައުމުގެ އިޖުތިމާޢީ ފޭރަން ވީދަމުންދާ ލިވާތުބާގައިގެ މީހުން ފިނި ކޮޓަރީގައި ތިބެފަ، ކުށެއް ސާބިތުނުވާ ދީނީ ޢިލްމުވެރިން ވާ ނުވާގައި ޖަލު ބަންދުގައި ބައިތިއްބަންޖެހެނީ ކޮން ޢަދުލުވެރިކަމަކުންތޯ ޑރ.ޝަހީމް ވަނީ ވިދާޅުވެފައެވެ. ޔޯގާ ހަމަނުޖެހުމަށްފަހު، އޭގެ މާގިނަ ދުވަސްތަކެއް ނުވަނީސް ލީކުވަމުންދާ އެއްޖިއްސުން ގުޅުންހިގާ ވީޑިއޯތަކުގެ މައްސަލާގައި މިހާތަނަށް އަދި އެއްވެސް މީހަކު ހައްޔަރުކޮށްފައި ނުވެއެވެ.
ބިދޭސީ ފިރިހެނަކާ އެކު އެއް ޖިންސުން ގުޅުން ހިންގާ ވީޑިއޯތަކެއް ދައުރުވަމުން ދާއިރު އަދި އާންމުނުވާ އެތައް ބައެއްގެ ވީޑިއޯ ހުރި ކަމަށް ވެއެވެ. އޭގެ ތެރޭގައި ސިޔާސީ މީހުންނާއި ވިޔަފާރިވެރިންނާއި ޒިންމާދާރު އެކި މަގާމުތަކުގައި އުޅޭ މީހުން ހިމެނޭކަން ވެސް އެނގިފައިވެއެވެ.
