މިއަދު އިރު އޮއްސެމުން ދަނިކޮށް، އެމްޓީސީގެ ބަހަލާއި ކާރެއް މުޑި އަރައިގެން ހިނގި ނުރައްކާތެރި އެކްސިޑެންޓާއި ގުޅިގެން، ވެސްޓު ޕާރކް ރޫޓުގެ ހުރިހާ ބަހެއް ކާނިވަލް ރޫޓަށް ޑައިވާޓްކޮށް، މިރޫޓުގެ ބަހުގެ ޚިދުމަތް މެދު ކެޑުމަށްފަހު، އަލުން ވެސްޓު ޕާކު ބަސް ރޫޓުގެ ޚިދުމަތް ފަށާފައިވާ ކަމުގައި އެމްޓީސީސީން ބުނެފިއެވެ.
އެމްޓީސީސީން ކޮށްފައިވާ ޓުވީޓެއްގައި ބުނެފައިވަނީ، މިއަދު ދިމާވި ހިތާމަވެރި އެކްސިޑެންޓަށްފަހު މިރޫޓުގެ ހުރިހާ ބަހެއްގެ ޚިދުމަތް މެދު ކެނޑިފައި އޮތުމަށްފަހު، މި ރޫޓުގެ ހުރިހާ ބަހެއްގެ ޚިދުމަތްތަކެއް މިހާރު ފަށާފައި ވާކަމުގައެވެ.
މިއަދު އިރު އޮއްސުނު ގަޑީގައި، އެމްޓީސީސީގެ ބަހަކާއި ކާރެއް އެކްސިޑެންޓްވެ، ކާރުގައި ތިބި 4 މީހުންގެ ތެރެއިން އަނިޔާވި އެކަކު، އައިޖީއެމް ހިސްޕިޓަލުގައި ފަރުވާ ދެމުން ދަނިކޮށް ވަނީ ނިޔާވެފައެވެ.
މި އެކްސިޑެންޓް ހިނގާފައިވަނީ، މިއަދު އިރު އޮއްސެމުން ދަނިކޮށް ބަހަކާއި ކާރެއް މުޑި އަރައިގެންނެވެ. މި އެކްސިޑެންޓުގައި އެކްސިޑެންޓްވި ބަހަށްވެސް ބޮޑެތި ގެެލުންތަކެއް ލިބިފައި ވާއިރު އެކްސިޑެންޓް ވި ކާރު އޮތީ އޮތީ ފުނޑުފުނޑު ވެފައެވެ.
މިކާރާއި އެމްޓީސީސީގެ ބަސް އެކްސިޑެންޓް ވެފައިވަނީ އެކުވެނި ޓްރެކް ސަރަހައްދު ބޭރުން ދުއްވާފައި ދަނިކޮށެވެ.
މި އެކްސިޑެންޓުގައި، ކާރުގައި ތިބި 4 މީހުންނަށް ސީރިއަސް އަނިޔާތަކެއް ލިބި އައިޖީއެމް ހޮސްޕިޓަލުގައި ދަނީ ފަރުވާ ދެވެމުންނެވެ. މި އެކްސިޑެންޓިގައި ޖުމްލަ 6 މީހަކަށް އަނިޔާވެފައި ވާއިރު އޭގެ ތެރޭގައި ހިމެނެނީ 4 ފިރިހެނަކާއި 2 އަންހެނެކެވެ. ނިޔާވެފައިވަނީ އަނިޔާވި ދެ އަންހެނުންނެގެ ތެރެއިން އެއް އަންހެނެކެވެ.
މަންޒަރު ދުށް ބައެއް ފަރާތްތަކުން ބުނެފައިވަނީ އެކްސިޑެންޓް ހިގާފައިވަނީ ދުއްވަމުންދިޔަ ކާރު އޯވަޓޭކު ކުރަން އުޅުމުގެ ތެރޭގައި ކަމުގައެވެ.
ފަހުން ފުލުހުން ހާމަ ކޮށްފައި ވާގޮތުގައި މި އެކްސިޑެންޓް ހިނގާފައިވަނީ އެކުވެނި ކައިރިން ދުއްވާފައިދިޔަ ކާރެއް އެމަގުން ދުއްވާފައިދިޔަ އެހެން ކާރެއްގައި ޖެހި ކޮންޓްރޯލް ނުވެގެން ގޮސް އެމަގުން ދުއްވާފައި ދިޔަ އެމްޓީސީސީގެ ބަހުގައި ޖެހިގެންނެވެ.
