މިއަދު ރާއްޖޭގެ މޫސުން ގޯސްވެ، އުދައެރުމުގެ ހާދިސާތަކުގައި ގދ.ރަތަފަންދޫއަށް ވަރަށް ބޮޑަށް އުދައަރައި ރަށުގެ ބޮޑުބަޔަކަށް އެކަމުގެ ގެއްލުން ކުރިމަތިވެއްޖެއެވެ.
މިއަދު ރާއްޖޭގެ މޫސުން ގޯސްވެ ކަނޑުގަދަވެ ގިނަ ރަށްތަކަށް ދަނީ އުދައަރަމުންނެވެ. އުދައިގެ އަސަރު އެންމެ ބޮޑަށް ކުރަމުންދަނީ ދެކުނުގެ ރަށްތަކަށެވެ. ރަތަފަންދޫއަށް އުދައެރަން ފެށި މިއަދު މެންދުރުފަހު 2ގެ ފަހުންކަމަށް އެރަށުން މައުލޫމާތު ދިން މީހަކު ބުނެފައެވެ. އޭނާ ބުނީ އުދައިގެ ސަބަބުން އެރަށު ހުޅަނގު ދެކުނު ފަރާތުގައި ދިރިއުޅޭ ގެތަކަށް ވަރަށް ބޮޑަށް މިކަމުގެ އަސަރު ކޮށްފައިވާކަމަށެވެ.
އުދައިގެ ސަބަބުން އެރަށުގެ ގިނަ ގެތަކަށް ލޮނުވަދެ ހިފާ ގެންގުޅޭތަކެއްޗަށް ވަނީ އެކިވަރުގެ ގެއްލުންވެފައެވެ. އުދައެރުން ހުއްޓުވުމަށްޓަކައި، އަދި ގެއްލުން ކުޑަކުރުމަށް އެރަށު ކައުންސިލާއި އާންމުންވެގެން ވެލި ބަސްތާ ޖެހުމުގެ މަސައްކަތްވެސް ވަނީ ކޮށްފައެވެ.
Gdh rathafandhoo ah udha araa ethah bayakah vanee nurahkaa vefa.adhi ethah gellumeh dhanee libemun.@adamazim @AslamAslamtey @ibusolih @iameeru .MTCC in mi masahkah mi july mahu fesheyne kamah vanee Yaqeen kohdhehvaafa.Uhmeedhakee mi haaskamun ahunaai , uhuthun salaamah vun. pic.twitter.com/8WmWcOBe46
— Saudulla Ahmed (@saudullaahmed1) July 1, 2022
ރާއްޖެއަށް މިއަދު މޫސުން ގޯސްވެ އުދަރަމުންދާތީ ސިފައިން ދަނީ މިހާރު އެރަށްތަކުގައި ހަރަކާތްތެރިވަމުންނެވެ.
ކޮމެންޓު ފޮނުވާ