އިސްރާއީލުން މަރާލާފައިވާ، އަލްޖަޒީރާގެ ނުސްވެރިޔާ، ޝީރީން އަބޫ އަކްލޭހުގެ ޖަނާޒާ ފަލަސްތީނުގެ ޖެރޫސެލަމްގައި ކުރިޔަށް ދަނިކޮށް، ޖަނާޒާގައި ބައިވެރިވީ މީހުންނަށް އިސްރާއީލް ފުލުހުން ހަމަލާ ދީފިއެވެ.
މިފަހްތާގެ ހުކުރު ދުވަހު ކުރިޔަށް ގެންދިޔަ، ޝީރީން އަބޫ އަކްލޭހުގެ ޖަނާޒާގައި ފަލަސްތީނުގެ އެތައްހާސް ރައްޔުތުންނެއް ބައިވެރިވެ، މިއެއްވުމުގައި ބައިވެރިވީ މީހުންވަނީ ފަލަސްތީނުގެ ދިދަތައް ވިހުރުވާ ހަދާފައެވެ. އަދި ޝީރީން އަބޫ އަކްލޭހުގެ ސަންދޯއް މަތީގައިވެސް ވަނީ ފަލަސްތީނުގެ ދިދައެއް އަޅާފައި ވެއެވެ.
އަދި އެތައް ހާސް ރައްޔިތުންނަކާއެކީ ސަންދޯ ޖެރޫސެލަމްގެ ޗާރޗަކަށް ގެންދަނިކޮށް، އިސްރާއީލު ސިފައިންވަނީ ނަޖާޒާގައި ބައިވެރިވަމުންދިޔަ މީހުންނާއި ކުރިމަތިލާ، މުގުރުން ތަޅާ ހަދާފައެވެ. މި ކުރިމަތި ލުމުގައި ހަމަނުޖެހުން ހިގަން ފެށުމާއެކު، ޝީރީން އަބޫ އަކްލޭހުގެ ސަންދޯއް އުފަލަމުންދިޔަ ބައެއް މީހުންނާއިއެކީ، ސަންދޯއް މިމައްޗަށް ނުވެއްޓި ދިޔައީ ކިރިޔާއެވެ.
Watch: Violence erupts as Al Jazeera journalist #ShireenAbuAkleh’s coffin emerges from a #Jerusalem hospital ahead of her burial procession.https://t.co/Q9anriHv7Y pic.twitter.com/WZ1NcKGxUn
— Al Arabiya English (@AlArabiya_Eng) May 13, 2022
އަލް ޖަޒީރާގެ ނޫސްވެރިޔާ، އުމުރުން 51 އަހަރުގެ ޝީރީން އަބޫ އަކްލޭހުގެ ޖަނާޒާގައި ބައިވެރިވީ މީހުންނަށް އިސްރާއިލު ފުލުހުން ދިން ހަމަލާތައް އެމެރިކާއިންވަނީ ކުށްވެރި ކޮށްފައެވެ.
"ސުލްހަވެރިކަމާއެކު ކުރިޔަށްދިޔަ މި ޖަނާޒާގެ ތެރެއަށް ވަދެގަނެ ހިންގާފައިވާ ހަމަނުޖެހުންތަކަކީ ހިތާމަ ކުރާކަމެއް. ޖަނާޒާތަކަށާއި، ހިތާމާގައި ބައިވެރިވާ ފަރާތްތަކަށާއި، އާއިލާތަކަށް އިހުތިރާމް ކުރުމަށް ނަސޭހަތްތެރިވަން،" ވައިޓް ހައުސްގެ ޕްރެސް ސެކެޓްރީ ޖެން ސާކީ ވިދާޅުވެފައި ވެއެވެ.
މިހާދިސާއާއި ގުޅިގެން އެމެރިކާގެ ސެކެޓްރީ އޮފް ސްޓޭޓް އެންތަނީ ބްލިންކަން ވިދާޅުވެފައިވަނީ، ކޮންމެ އާއިލާއަކަށްވެސް އެމީހުން ލޯބިވާ މީހުން ހަމަހިމޭންކަމާ އިހުތިރާމާއެކު ފަސްތާނު ލުމުގެ ފުރުސަތު ލިބެންވާނެ ކަމުގައެވެ.
We were deeply troubled by the images of Israeli police intruding into the funeral procession of Palestinian American Shireen Abu Akleh. Every family deserves to lay their loved ones to rest in a dignified and unimpeded manner.
— Secretary Antony Blinken (@SecBlinken) May 13, 2022
އަލްޖަޒީރާގައި 25 އަހަރުވަންދެން މަސައްކަތް ކުރަމުންދިޔަ، ފަލަސްތީނުގެ އެމެރިކާ ދަރިކޮޅުގެ ރައްޔިތެއް ކަމުގައިވާ އަބޫ އަކްލޭހު މަރާލާފައިވަނީ، އިސްރާއީލުން ހިފާފައިވާ ހުޅަނގު އައްސޭރީގެ ޖެނިންގައި އިސްރާއީލު ސިފައިން ހިންގަމުންދިޔަ އޮޕަރޭޝަނެއް ކަވަރު ކުރަމުންދަނިކޮށެވެ.
ދުނިޔޭގެ ޚަބަރުތައް އެންމެ ފުޅާ ދާއިރާއެއްގައި ގެނެސްދެމުންދާ، ދުނިޔޭގެ އެންމެ ވަރުގަދަ ނޫސް ޗެނަލްތަކުގެ ތެރޭގައި ހިމެނޭ، އަލް ޖަޒީރާއިން ބުނެފައިވާ ގޮތުގައި އެ ނޫހުގެ ނުސްވެރިޔާ، އުމުރުން 51 އަހަރުގެ ޝީރީން އަބޫ އަކްލޭހު މަރާލާފައިވަނީ، ގަސްތުގައި އޭނާގެ ގަޔަށް އިޒްރާއީލު ސިފައިން ބަޑި ޖެހުމުގެ ސަބަބުން ކަމުގައެވެ.
އަބޫ އަޤްލީހުއަކީ، އަލް ޖަޒީރާގެ އަރަބި ނިއުސް ސާވިސްގެ އެންމެ މަޝްހޫރު އެއް ނޫސްވެރިޔާއެވެ. އަދި އޭނާ ވަނީ އިސްރާއިލް ފަލަސްތީނު މައްސަލައިގެ ޚަބަރުތައް ފާއިތުވި 15 އަހަރު ކަވަރު ކޮށްފައެވެ.
