މޫނުގެ ހަންގަނޑަށް އެއްވެސް ފަރުވާއެއް ދިނުމުގެ ކުރިން އެހަންގަޑުގެ ހާލަތު ދެނެގަތުން ވަރަށް މުހިންމެވެ. މޫނާއި ގުޅޭތަކެތި ދެނެގަނޭވީ އޭރުންނެވެ. އާއްމުގޮތެއްގައި ހަންގަނޑުގެ ހުންނަނީ ދެވައްތަރެކެވެ. ވަރަށް ބޮޑަށް ހިކިފައިހުންނަ ވައްތަރަކާއި އަވަހަށް ތެޔޮވާ ވައްތަރުގެ ހަންގަނޑެވެ.
މިއަދު މި ހިމަނާލަނީ ތެޔޮވެފައި ހުންނަ މޫނުގެ ހަންގަނޑަށް ހާއްސަ، ފަސޭހައިން ތައްޔާރުކޮއްލެވޭނެ ހަރަދުކުޑަ 3 ފޭސް މާސްކެކެވެ.
- ބިހުގެ ލޮނދި، ކިއުކަމްބާ އަދި މިންޓް
ބިހުގެ ލޮންޖަކީ ތެޔޮ ހަންގަނޑަށް ވަރަށް މުހިއްމު މާއްދާތަކެއް އެކުލެވިގެންވާ އެއްޗެކެވެ. ކިއުކަންބާއަކީ މޫނުގެ ހަންގަނޑު މަޑުކޮއްދޭނެ އެއްޗެކެވެ. އަދި މިންޓްގެ ސަބަބުން ބިއްސާއި ލަކުނު ފަސޭހައިން ފިލުވާލައެވެ. މިތަކެތި އެއްކޮއްލުމަށްފަހު ރީތިކޮށް މުގުރާލައިގެން މޫނުގައި އުނގުޅާށެވެ. 20 ވަރަކަށް މިނިޓް ފަހުން ނަގާށެވެ.
- ދޮންކެޔޮ، ލުނބޯހުތް އަދި އޮލިވް އޮއިލް
މޫނު ސާފުކޮއްލާ ލަކުނު ފިލުވާލުމަށް މިއީވެސް ތައްޔާރު ކޮއްލެވިދާނެ މާސްކެކެވެ. ދޮންކެޔޮ ރީތިކޮށް ޗިސްޗިސް ކޮއްލުމަށްފަހު އޭގެ ތެރެއަށް ލުބޯހުތްކޮޅާއި ތެޔޮފޮދު އަޅާ ރީތިކޮށް އެއްކޮއްލާށެވެ. މޫނުގައި އުނގުޅުމަށްފަހު 20 މިނިޓް ވުމުން ނަގާށެވެ.
- ބޭސަން ނުވަތަ ޗިކްޕީސް ފުށް، ރީނދޫ އަދި ޕްލެއިން ޔޯގަޓް
މިއީ މާބޮޑަށް ތެޔޮވާ މޫނުގެ ތެޔޮކަން އެއްހަމައެއްގައި ހިފަހައްޓައިދީ މޫނު މޮއިސްޗަރައިޒް ކޮއްލުމަށް ވަރަށް ރަގަނޅު މާސްކެކެވެ. ޔޯގަޓް ކޮޅުގެ ތެރެއަށް ރީނދޫ އަދި ފުށްކޮޅު އަޅާލުމަށްފަހު ރީތިކޮށް އެއްކޮއްލާށެވެ. މޫނުގައި އުނގުޅުމަށްފަހު 20 މިނެޓް ވުމުން ނަގާށެވެ.
