ރައްޔިތުންގެ އުދާސްތައް މިހާރު ހިފަހައްޓަނީ ފުލުހުންގެ ބެރިކޭޑުތަކުންކަމަށް ކުރީގެ ރައީސް އަދި އިދިކޮޅު ލީޑަރު ރައީސް ޔާމީން ވިދާޅުވެއްޖެއެވެ.
ރައީސް ޔާމީން ކުރެއްވި ޓްވީޓެއްގައި ވަނީ ބަޔަކު އުންމީދުވެސް ނުކުރާ މިންވަރަށް ސަރުކާރުން ވައުދުތައް ފުއްދަވައިފިކަމަށް ވިދާޅުވެ ސަރުކާރަށް މަލާމާތްކުރައްވާފައެވެ. ރައީސް ޔާމީން ވިދާޅުވީ، ރައްޔިތުންގެ އުދާސްތައް ހިފަހައްޓަނީ ފުލުހުންގެ ބެރިކޭޑުންކަމަށާއި، ފާޑު ކިޔުންތަކާއި ރައްޔިތުންގެ ނުރުހުން އަމާޒުވެފައިވާ ރައީސް އިބްރަހިމް މުހައްމަދު ޞާލިޙް އުޅުއްވަނީ މީޑިއާތަކަށް ފިއްލަވައިގެންކަމަށެވެ.
Pledges fulfilled beyond anyone’s expectation????Public’s emotional outpour held in check by police barricades.The beleaguered Prz shuns de media. Yet de sluggish circus train is chugging down its track to Destination 2023
— Abdulla Yameen (@prz_ymn) May 11, 2022
ރައީސް ޔާމީން މިފަދައިން ވިދާޅުވެފައިވާއިރު، އެމަނިކުފާނު ގެންދަވަނީ ސަރުކާރަށް ވަރަށް ބޮޑަށް ފާޑުވިދާޅުވެ ޓްވީޓްކުރައްވަމުންނެވެ.
ރައްޔިތުންގެ އުދާސްތައް މިހާރު ހިފަހައްޓަނީ ފުލުހުންގެ ބެރިކޭޑުތަކުންކަމަށް ރައީސް ޔާމީން ވިދާޅުވެފައިވާއިރު، އިންޑިއާ އައުޓްގެ ނަމުގައި އިދިކޮޅުން ރައީށް ޔާމީން އިސްވެ ހިންގާ އެ ހަރަކާތް ކުރިއަށް ނުގެންދެވޭނެކަމަށް ފުލުހުން ވިދާޅުވެފައިވެއެވެ. އަދި އެ ހަރަކާތްތައް ހިންގަވާ ދުވަސްތަކުގައި ބެރިކޭޑް ޖަހައި ބޮޑޫ ސަރަހައްދެއްވެސް ފުލުހުން ބަންދުކުރެއެވެ.
އެ ހަރަކާތް ހުއްޓުވުމަށް ރައީސް ޞާލިޙް ވަނީ ރިޔާސީ ޢަމުރެއް ނެރުއްވާފައެވެ. ނަމަވެސް އެ ޢަމުރަށް ގޮންޖަހާ އިދކޮޅުން އެ ހަރަކާތް އަދިވެސް ކުރިއަށް ގެންދެއެވެ.
ކޮމެންޓު ފޮނުވާ