ހަށިގަނޑާއި މޫނު ރީތި ގޮތުގައި ބެހެއްޓުމަށް އަހަރެމެންގެ ތެރެއިން ވަރަށް ގިނަ މީހުން މަސައްކަތް ކުރެއެވެ.
އެގޮތުން ރީތި ވުމުގެ ގޮތުން މޭކަޕް ކުރުމަކީ ނުހަނު ގިނައިން މީހުން ކުރަމުން އަންނަ ކަމެކެވެ. އެހެންނަމަވެސް އަބަދު މޭކަޕްކޮށްގެން ތިބުމަކީ އެހާ ފަސޭހަ ކަމެއް ނޫނެވެ.
އެހެންކަމުން މިލިޔުމުގައި ބަލައިލާނީ މޭކަޕް ނުކޮށްވެސް ރީތިކޮށް ހުރުމަށް ކުރެވިދާނެ ބައެއް ކަންތައްތަކަށެވެ.
އެމީހަކާއި ގުޅޭގޮތަށް އިސްތަށިގަނޑު ބެހެއްޓުން
މިއީ ވަރަށް އާދައިގެ އެހެންނަމަވެސް މީހާއަށް ވަރަށް ބޮޑެތި ބަދަލެއް ގެނުވާ ކަމެކެވެ. އެގޮތުން އެމީހެއްގެ މޫނާއި ގުޅޭ ގޮތަށް އިސްތަށިގަނޑު ޒީނަތްތެރިކުރުމުން އެމީހަކަށް އިތުރު ފުރިހަމަ ކަމެއް ލިބެއެވެ.
"އެކްސަސަރީސް" ބޭނުންކުރުން
މޭކަޕް ނުކުރިނަމަވެސް ކަންފަތުލާ އެއްޗެއް ނުވަތަ އެފަދަ ކޮންމެވެސް ކަހަލަ ގަހަނާއެއް ޒީނަތްތެރިވުމަށް ބޭނުން ކުރުމުންވެސް މީހާއަށް އިތުރު ފުރިހަމަ ކަމެއް ލިބިގެންދެއެވެ.
މޫނު މަސާޖުކުރުން
ހަށިގަނޑު ދުޅަހެޔޮކޮށް ބެހެއްޓުމަށް ކަސްރަތު ބޭނުންވާ ފަދައިން މޫނަށްވެސް ކަސްރަތު ބޭނުންވާނެއެވެ. މޫނު މަސާޖުކުރުމުން ލޭދައުރުވުން ފަސޭހަވެ މޫނަށް އަލިކަން ގެނުވައެވެ.
