ޕާކިސްތާންގެ ބޮޑުވަޒީރު އިމްރާން ޚާބްގެ އިތުބާރު ނެތްކަމަށް ނިންމާ، 342 މެމްބަރުގެ މައްޗަށް އެކުލެވޭ ގާނޫނުހަދާ މަޖިލިހުގެ 174 މެމްބަރުންގެ ވޯޓާއެކު ޕާކިސްތާންގެ ބޮޑުވަޒީރު އިމްރާން ޚާން މަގާމުން ދުރު ކޮށްފިއެވެ.
2018ވަނަ އަހަރު ޕާކިސްތާނުގެ ބޮޑުވަޒީރުކަމަށް ވަޑައިގެންނެވި، ކުރީގެ މަޝްހޫރު ކުރިކެޓް ކުޅުންތެރިޔާ އިމްރާން ޚާން ޕާކިސްތާންގެ ބޮޑުވަޒީރުކަމުން ދުރު ކޮށްފައިމިވަނީ،، ގާނޫނުހަދާ މަޖިލިހަށް އެންމެ ފުރަތަމަ ވެއްދުނު އިތުބާރު ނެތްކަމުގެ މައްސަލަ އެ މަޖިލިހަށް ބަލައި ނުގަތުމާއި ގުޅިގެން، އިދިކޮޅު ފަރާތްތަކުން މައްސަ ސުޕްރިމް ކޯޓަށް ވައްދާ، މައްސަލަ ބޭރު ކޮށްލާފައިވަނީ ގާނޫނު އަސާސީއާއި ޚިލާފަށް ކަމަށް ސުޕްރިމް ކޯޓުން ނިންމުމަށްފަހުއެވެ.
އިއްޔެ ކުރިޔަށްދިޔަ ގާނޫހަދާ މަޖިލިހުގެ ޖަލްސާގައި އިމްރާން ޚާންއާއި ދެކޮޅަށް ވޯޓުނެގުން ލަސްވަމުން ގޮސް، ގާނޫނުހަދާ މަޖިލިހުގައި އެންމެ ފަހުން ވޯޓަށް އަހާފައިވަނީ ރޭގެ ދަންވަރުގެ ވަގުތެއްގައެވެ. އަދި ވޯޓަށް އެހުމުގެ ކުރިން ގާނޫނުހަދާ މަޖިލިހުގެ ރައީސް ވަނީ މަގާމުން އިސްތިއުފާދެއްވާފައެވެ. އޭނާއަކީ އިމްރާން ޚާންގެ ޕާޓީގެ މެމްބަރެކެވެ. ވޯޓަށް އެހުމުގެ ކުރިން އިމްރާން ޚާންގެ ޕާޓީގެ ހުރިހާ މެމްބަރުންވެސް ޖަލްސާކުރާ ހޯލު ދޫކޮށް ގޮސްފައި ވެއެވެ.
އިމްރާން ޚާން ހިމެނިވަޑައި ގަންނަވަނީ ޕާކިތާންގެ ތާރީޚުގައި މަގާމުންގައި ހުންނަވަނިކޮށް، މަގާމުން ދުރުކުރެވުނު ފުރަތަމަ ބޮޑުވަޒީރު ކަމުގައެވެ. އަދި މިހާތަނަށް އެއްވެސް ބޮޑުވަޒީރަކަށް ޕާކިސްތާންގެ ތާރީޚުގައި އިންތިޚާބު ވުމަށްފަހު މަގާމްގެ މުއްދަތު ހަމަކުރެވިފައެއް ނުވެއެވެ.
އިމްރާން ޚާން މަގާމުން ދުރު ކުރުމާއެކު، އާ ބޮޑުވަޒީރަކު އައްޔަން ކުރުމަށްޓަކާ އަންނަ ހޯމަ ދުވަހު ޕާކިސްތާންގެ ގާނޫނުހަދާ މިލިސް އަލުން އެއްވާނެއެވެ. މަޖިލިހުގެ ރިޔާސަތާއި ވަގުތީގޮތުން ހަވާލު ވެވަޑައިގެންފައިވާ އަޔާޒް ސިއްދީގު ވިދާޅުވެފައިވަނީ، ބޮޑުވަޒީރުކަމަށް ނަން ހުށަހެޅުމުގެ ފުރުސަތު އާދީއްތަ ދުވަހުގެ ހެނދުނު 11:00އާއި ހަމައަށް ހުޅުވިފައިވާ ކަމުގައެވެ.
ޕާކިސްތާންގެ ބޮޑުވަޒީރުކަމަށް އަލަށް އައްޔަން ކުރެވޭ ބޭފުޅަކުން 2023ވަނަ އަހަރުގެ އޮކްޓޯބަރު މަހުގައި ބޭއްވުމަށް ހަމަޖެހިފައިވާ އާންމު އިންތިޚާބާ ހަމައަށް މަގާމުގައި ދެމިހުންނަވާނެއެވެ.
އިމްރާ ޚާން ތުހުމަތު ކުރައްވާ ގޮތުގައި އޭނާ މަގާމުން ދުރުކޮށްފައި ވަނީ އެމެރިކާ އަޑީގައި އޮވެގެންނެވެ. އަދި ވިދާޅުވެފައިވަނީ އަލަށް އަންނަ ސަރުކާރު އޭނާ ގަބޫލު ނުކުރައްވާނޭ ކަމުގައެވެ. އޭނާ ވިދާޅުވެފައިވަނީ، އެމެރިކާއިން އޭނާގެ ސަރުކާރު ބަދަލު ކޮށްފައިވަނީ، ރަޝިއާއި އަދި ޗައިނާއާއި ގުޅުން ހުރި މައްސަލަތަކުގައި އެމެރިކާގެ ސިޔާސަތުތަކަށް އޭނާ ތާއީދު ނުކޮށްގެން ކަމުގައެވެ. މަޖިލިހުގައި ކުރިޔަށްދިޔަ ވޯޓުގެ ކުރިން އިމްރާން ޚާންގެ ޕާޓީގެ 17 މެމްބަރަކު އޭނާގެ ޕާޓީ ދޫކޮށް، އިދިކޮޅު ކޯލިޝަންއާއި ގުޅިފައި ވެއެވެ
ޔޫކުރެއިން ހަނގުރާމަ ފެށުނުފަހުން އިމްރާން ޚާންވަނީ ރަޝިއާއަށް ވަޑައިގެން އެގައުމުގެ ރައީސް ލާޑިމިރު ޕުޓިންއާ ބައްދަލު ކުރައްވާފައެވެ.
އިމްރާން ޚާންގެ ސަރުކާރު ބަދަލު ކޮށްލުމުގެ ފަހަތުގައި އޮތްކަމަށް ކުރެވޭ ތުހުމަތު އެމެރިކާއިން ދޮގުކޮށްފައި ވެއެވެ.
