ތިމާގެ ބައިވެރިއާއަކީ ބޮލުގައި އިސްތަށި މަދު މީހެއް ހެއްޔެވެ.؟ ނޫނީ ތަލަ މީހެއްހެއްޔެވެ.؟ އެއްގޮތަކަށްވެސް ލަދުނުގަންނާށެވެ. އެފަދަ މީހުންނަކީ އެމީހުންގެ އެތެރެފުށުން ރީތިބައެކެވެ.
އެ މީހުންނަކީ ހިތްހެޔޮ އަބިންނަށް އިހުތިރާމު ކުރާ ބައެކެވެ. އެފަދަ މީހުންނަކީ ރޮމޭންޓިކް މީހުންގެ ތެރޭގައިވެސް އެންމެ ކުރީގައި އުޅޭ މީހުނެވެ.
އަދި ދިރިއުޅުން މެނޭޖުކުރުމާއި އިސްނަގައިގެން ކަންކަންކުރުމުގެ ހުނަރުވެސް އެފަދަ މީހުންގެ ވަރަށް ރަނގަޅުކަމަށް ދިރާސާތަކުން ދައްކައެވެ.
ސޯޝަލް ސައިކޮލޮޖީ އެންޑް ޕާސަނަލިޓީ ސައިންސްއިން ކޮށްފައިވާ ދިރާސާއެއްގައި ބުނާގޮތުން ތަލަ މީހަކަށް ވުމުން އެތައް ފައިދާތަކެއްވެއެވެ.
މި ދިރާސާގެ ނަތީޖާ ބުނާގޮތުގައި އެހެން މީހުންނަށްވުރެ މި މީހުން 13 އިންސައްތަ އިތުރަށް ކަންކަމުގައި ފަރުވާތެރިވާނެއެވެ. 6 އިންސައްތަ އިތުރަށް، ކަންކަން ކުރެވޭނެ ކަމަށް އުންމީދުކުރާނެއެވެ. 10 އިންސައްތަ އިތުރަށް ހަށިގަނޑުގެ މަސްތަކުގައި ބާރު ގަދަވާނެއެވެ. އަދި އެހެން މީހުންނަށްވުރެ ކަންކަމާއި ކުރިމަތި ލުމުގެ ބާރު 13 އިންސައްތަ، ތަލަ މީހުންގެ ގައިގާ އިތުރެވެ.
ބަލާ ވިސްނާ މީހަކަށް ކޮންމެ ކަމަކުންވެސް ފައިދާ ފެންނަ ފަދައިން މިކަންވެސް މިއޮތީ ބަލާ ހޯދުމަށްފަހު ސާބިތުކޮށްދީފައެވެ. ބޭރުފުށުގެ ތީރިކަމަށްވުރެ އެތެރެފުށުގެ ރީތިކަމުގެ ފައިދާ ބޮޑެވެ.
