މޫނުގެ ހަންގަނޑު އޮމާންކޮށް ކުލަ އަލިކުރުމަށް ކިތަންމެ ބޭނުންވިޔަސް ބާރުގަދަ ކެމިކަލްތައް ހިމެނޭ ޕްރޮޑަކްޓްތައް އަބަދު މޫނުގައި އުގުޅުމަށް ޖެހިލުންވެއެވެ. އެފަދަ ޕްރޮޑަކްޓް ތަކަށްވުރެ ޤުދުރަތީ ކޮންމެވެސް ރަނގަޅު އެއްޗަކަށް ބަރޯސާވެވޭވަރު ބޮޑުވެއެވެ.
ނަމަވެސް މިފަދަ ރަނގަޅު އެއްޗަކީ ކޮބައިހެއްޔެވެ؟
ހަނޑޫ ފުށަކީ މޫނުގެ ކުލަ ވަރަށް ކުޑަދުވަސްކޮޅެއްގެ ތެރޭގައި އަލިކޮށްލަދީ، މޫނުގެ ހަންގަނޑުގައި އިތުރުވާ ތެލުގެބައި ނައްތާލާ ސްކިން ރިޕެއާއެއްގެ މަސައްކަތް ކުރާ ވަރަށް ފައިދާހުރި އެއްޗެކެވެ.
ބެނުންކުރާނީ ކިހިނެއް؟
ހަނޑޫފުށް ތަފާތު އެތަށް ގޮތަކަށް ބޭނުންކުރެވިދާނެއެވެ.
- ހަނޑޫ ރީތިކޮށް މުގުރާލާށެވެ. ރީތިކޮށް ހިމުންވުމުން ނަގާފައި އޭގެ ތެރެއަށް އެއް ސަމުސާ ރޯކިރު ނޫނީ ޕްލެއިން ޔޯގަޓް އަޅާ ރީތިކޮށް އެއްކޮއްލާށެވެ. މޫނުގައި އުނގުޅާލުމަށްފަހު 15 ވަރަކަށް މިނިޓް ބަހައްޓާފައި ދޮވެލާށެވެ. މިގޮތަށް ހަފްތާއަކު 2 ނޫނީ 3 ފަހަރު ތަކުރާރު ކުރާށެވެ.
- ގްރީންޓީ ޕެކެޓެއް ކުޑަ ހޫނުފެން ފޮދަކަށްލައި ކުލަ އަރަންދެން ބަހައްޓާށެވެ. އޭގެ ތެރެއަށް ދެ ސަމުސާ ހިމުންކޮށް މުގުރި ހަނޑޫ އަދި 2 ސަމުސާ ލުނބޯހުތް އަޅާށެވެ. އެއަށްފަހު ރަނގަޅަށް އެއްކޮށްލާށެވެ. މޫނުގައި އުގުޅާލުމަށްފަހު 15 ވަރަކަށް މިނިޓް ބަހައްޓާފައި ދޮވެލާށެވެ. މިގޮތަށް ހަފްތާއަކު 2 ނޫނީ 3 ފަހަރު ތަކުރާރު ކުރާށެވެ.
މޫނުމަތީގައި ހުންނަ ބިއްސާއި ލަކުނު ނައްތާލުމަށް މިއީ ރަގަނޅު ފަރުވާއެކެވެ.
- ކިއުކަމްބާ ގާނާލުމަށްފަހު ފެލާލާފައި އޭގެ ޖޫސްކޮޅު ނަގާށެވެ. އަދި 2 ސަމުސާ ހަނޑޫ ފުށުގެ ތެރެއަށް ރީތިކޮށް އެއްކޮށްލެވޭ ވަރަށް ކިއުކަމްބާ ޖޫސް އަޅައި ރަނގަޅަށް އެއްކޮއްލާށެވެ. އެއަށްފަހު މޫނުގައި އުނގުޅާލުމަށްފަހު ރީތިކޮށް ހިކެންދެން މަޑުކޮއްލާށެވެ. ހިކުމުން ފެނުން ދޮވެލާށެވެ. ދޮންނަ އިރު މަސާޖުކުރާހެން މުނުގައި ސާކިއުލޭޝަން މޯޝަންގައި އިނގިލިތައް ހާކަމުންދިއުން ވަރަށް މުހިންމެވެ. މިގޮތަށް ހަފްތާއަކު ދެފަހަރު ތަކުރާރު ކޮށްލާށެވެ.
- 1 ސަމުސާ ހިމުންކޮށް މުގުރި ހަނޑޫގެ ތެރެއަށް އެލޯވެރާ ޖެލް އަޅައިގެން ރަނގަޅަށް ގަށާލުމަށްފަހު އުނގުޅާލާށެވެ. އަދި ހިކެންދެން ބަހައްޓާށެވެ. ހިކުމުން ދޮވެލާށެވެ. މިގޮތަށް ހަފްތާއަކު އެއްފަހަރު ހަދަން ހަނދާން ކުރަންވާނެއެވެ.
މޫނުގެ ހަންގަނޑު އޮމާންވެ ކުލަ އަލިވާނެއެވެ.
