ބޭނުންވާނެ ތަކެތި:
½ ކެބެޖް (ކުދިކޮށް ކޮށާފައި)
4 ބިސް
2 ފިޔާ
2 ލުނބޯ
އަސޭމިރުސް (މުގުރާފައި)
ލޮނު (ރަހަ ހެޔޮވަރުވާ ވަރަށް)
2 ގިތެޔޮ މިރުސް
5 ޖޯޑު ފުށް
2 މޭޒުމަތީ ސަމުސާ މާޖިރިން
ތެޔޮ
ހޫނުފެން
ތައްޔާރުކުރާނެ ގޮތް:
2 ބިސް ފެނު ކައްކާފައި ކުދިކޮށް ކޮށާފައި ބަހައްޓާށެވެ.
ދެން ގިތެޔޮމިރުހާއި، ފިޔާ ކުދިކޮށް ކޮށާފައި ހުތާއި ލޮނުލައި ރަނގަޅަށް މޮޑެލާށެވެ.
މޮޑުނު ފިޔާގަނޑުގެ ތެރެއަށް ކެބެޖާއި ބިސް އަދި ރަހަލާވަރަށް އަސޭމިރުސް އަޅާ އެއްކޮށްލާށެވެ.
ފުށްގަނޑު ތައްޔާރުކުރުމަށް، ފުށްކޮޅުގެ ތެރެއަށް 2 ބިހާއި މާޖިރިން އަޅައި ހޫނުފެން އަޅަމުން މޮޑެލާށެވެ.
ހައެއްކަ ގުޅައަށް ބައި ކޮށްފައި ކޮންމެ ގުޅައެއް ރޮއްޓެއް ގޮތަށް ދަމާލައި، ކީމިއާ އަށް ބޭނުންވާ ގޮތަށް ހަތަރެސް ކަނަށް ކަފާލާށެވެ.
ފުށްކޮޅު މެދަށް މޮޑުނު މަސްގަނޑުން އެތިކޮޅެއް އަޅައި ކީމިޔާގެ ބައްޓަން އަންނަހެން ހަތަރު ފަރާތުން ފުށްގަނޑު ފައްޖަހާލައި ބަންދުކޮށްލާށެވެ.
އެއަށްފަހު ތަވަޔަށް ތެޔޮ އަޅައި ތެޔޮގަނޑު ހޫނުވުމުން ތެލުލާނީ އެވެ.
