ރައީސުލްޖުމްހޫރިއްޔާގެ އޮފީހުގެ އެންޓި ޓެރަރިޒަމް ކޮންސަލްޓަންޓްގެ މަގާމުގައި ހުންނެވި އައިޝަތު ނޫޝީން ވަހީދާއި، ޗީފް އެކްޒެކެޓިވް ޓު ވައިސް ޕްރެޒިޑެންޓްގެ މަގާމުގައި ހުންނެވި ނަޒްރާ ނަސީމަ މަޤާމުގެ ކުރިއެރުން ދެއްވައިފިއެވެ.
އެ ދެބޭފުޅުންނަށް މަޤާމުގެ ކުރިއެރުން ދެއްވާފައިވާއިރު، ދެބޭފުޅުންނަށްވެސް ދެއްވާފައިވަނީ، ސްޓޭޓް މިނިސްޓްރުގެ ފެންވަރުގެ މަޤާމެވެ. އެގޮތުން އައިޝަތު ނޫޝިން ވަހީދު ހަމަޖައްސާފައިވަނީ ސެކްރެޓެރީ، ނޭޝަނަލް ސެކިއުރިޓީ އެޑްވައިޒަރސް އޮފީސްއަށެވެ. ނޫޝީނަށް ރައީސް އޮފީހުން މަޤާމު ދެއްވާފައިވަނީ ނޮވެމްބަރ 2018ގައެވެ. ނޫޝީންސްޓޭޓް މިނިސްޓަރުގެ ފެންވަރުގެ މަޤާަމަށް ކުރިއެރުން ދެއްވާފައިވަނީ މި އޭޕްރީލް މަހުގެ 4 ވަނަ ދުވަހުއެވެ.
މީގެ އިތުރުން ރައީސުލްޖުމްހޫރިއްޔާގެ ނައިބުގެ ކޮއްކޯފުޅު ނަޒްރާ ނަސީމަށް ދެއްވާފައިވަނީ ޗީފް އެގްޒެކެޓިވް ޓު ވައިސް ޕްރެޒިޑެންޓްގެ މަޤާމެވެ. އޭނާ ސްޓެޓް މިނިސްޓަރުގެ މަޤާމަށް އައްޔަންކުރެއްވީ ފެބުރުއަރީ މަހުގެ ތެރޭގައެވެ.
ސްޓޭޓް މިނިސްޓަރުގެ ފެންވަރުގެ މަޤާމަށް ދެބޭފުޅުން އައްޔަންކުރެއްވުމާއި ގުޅިގެން، ކޮންމެ ބޭފުޅަކަށްވެސް މުސާރައިގެ ގޮތުގައި 32،000 ރުފިޔާ އަދި އެލަވަންސްގެ ގޮތުގައި 15،000 ރުފިޔާއާއެކު މަހަކު ޖުމްލަ 47،000 ރުފިޔާ ލިބިވަޑައިގަންނަވާނެއެވެ.
މި ފެބޭފުޅުންނާއެކު ރައީސް އޮފީހުގައި ސްޓޭޓް މިނިސްޓަރުން ފެންބަރުގައި 11 ބޭފުޅުން އެބަތިއްބެވިއެވެ.
ކޮމެންޓު ފޮނުވާ