ކައުންސިލް އިންތިޚާބުގައި އިދިކޮޅު ކޯލިޝަނުން މާލެ ސިޓީ ކައުންސިލަށް ވާދަ ކުރައްވާ ޑރ.މުއިއްޒު އެންޓި ކޮރަޕްޝަން ކޮމިޝަނަށް ހާޒިރުވެއްޖެއެވެ.
ޑރ.މުއިއްޒު ހާޒިރު ކޮށްފައިވަނީ ކޮން ކަމަކާއި ގުޅިގެން ކަމެއް ނޭގެއެވެ. ޑރ.މުއިއްޒު މިވަގުތު ހުންނެވީ އޭސީސީގައެވެ. މުއިއްޒު އޭސީސީއަށް ހާޒިރުވުމަށް ދެންނެވުމާއި ގުޅިގެން ކުރެއްވި ޓްވީޓުގައި ވިދާޅުވީ މިއީ ކުރިއަށް ކައުންސިލް އިންތިޚާބުގައި ކެމްޕެއިނަށް ހުރަސް އަޅައި، އަސްލެއްނެތް ދިގުވާހަކަ ފަތުރައި އަބުރު ކަތިލުމަށް ކުރަމުންދާ މަސައްކަތެއްކަމަށެވެ. މިކަމުގައި ހަމަ އެއްވެސް ވަރަކަށް ފަހަތަށް ޖެހުމެއްނެތި ސާބިތުކަމާއިއެކު ހުންނެވިކަަމށް ޑރ.މުއިއްޒު ވިދާޅުވިއެވެ.
އަޅުގަނޑުގެ ކެމްޕެއިނަށް ސަރުކާރުން ހުރަސްއެޅުމަށް، އަސްލެއް ނެތް ދޮގު ވާހަކަތައް ފަތުރުމަށް، އަބުރު ކަތިލުމަށް، ސަރުކާރުން އަންގައިގެން 23 މާރޗް ގައި އޭސީސީއަށް ހާޒިރު ކުރަނީ އިންޝާ ﷲ ފުރިހަމައަށް ޖަވާބުދާރީ ވާނަން.
– ޑރ.މުއިއްޒު ވިދާޅުވިއެވެ.
#PPM Mayor Candidate @MMuizzu #ACC ah vadaigannavaifi
Sarukaarun dhahkaa birakah nugudhaaneInshah Allah mifaharu #MUIZZUforMAYOR #EmmengeVoteRukah#MeeMageyRaajje pic.twitter.com/9tRwhAYLDD
— Bochey (New Acct | Pls follow) (@BocheyRifau) March 23, 2021
މާލެ ސިޓީ ކައުންސިލަށް ޑރ.މުއިއްޒު ވާދަކުރައްވަން ނިންމެވި ހިސާބުން ސަރުކާރުން ދަނީ ޑރ.މުއިއްޒުއަށް ބިރު ދެއްކުމުގެ އެކި ތުހުމަތުތައް ކުރައްވައި، އެކި މައްސަލަތައް މުއިއްޒުއަށް އަމާޒު ކުރަމުންނެވެ. އެގޮތުން ނޫމަޑި މައްސަލައާއި، ހިޔަ ހައުސިން ޔުނިޓްތަކާއިގުޅުވައިގެން މުއިއްޒުއަށް އެކި ތުހުމަތުތައް ކޮށްފައިވެއެވެ. މާލެ ސިޓީއަށް މިފަހަރު ޑރ.މުއިއްޒު އިންތިޚާބު ވެދާނެކަމުގެ ބިރު ސަރުކާރަށްހީވެފައިވާއިރު، ސަރުކާރުން ދަނީ މުުއިއްޒުއާއި ގުޅުވައިގެން އެކި ވާހަތައް ދައްކަމުންނެވެ.
ޚާއްސަކޮށް ސަރުކާރުގެ މަތީފަންތީގެ ބޭފުޅުންނާއި، މަޖިލިސް ރައީސްގެ ބަހުގެ ހަމަލާތައް ޑރ.މުއިއްޒުއަށް ދަނީ ރައްދު ކުރަމުންނެވެ. ނަމަވެސް މުއިއްޒު މީގެއިއް އެއްވެސް ވާހައަކަށް ރައްދު ނުދެއްވައި ވިދާޅުވެފައިވަނީ ހުންނެވީ ހައްގުގެ މަގުގައި ސާބިތުކަމާއި އެކުގައިކަމަށެވެ.
ކޮމެންޓު ފޮނުވާ