ޗައިނާއިން ހަދިޔާކުރި ކޯވިޑް ވެކްސިން ބަލާ ރާއްޖެއިން ފްލައިޓެއް ޗާޓަރުކޮށްގެން ދާންޖެހުމުން ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ މެމްބަރު ހުސެއިން ޝަހީމް ފާޑުވިދާޅުވެއްޖެއެވެ.
ޗައިނާއިން ވަނީ ދިވެހިރާއްޖެއަށް ކޯވިޑް-19ގެ ވެކްސިންގެ ދެލައްކަ ޑޯޒް ހަދިޔާކުރަން ނިންމާފައެވެ. ނަމަވެސް ވެކްސިން އަދި ރާއްޖެ އަށް ލިބިފައިނުވާއިރު، ޗައިނާއިން ހަދިޔާކުރާ ވެކްސިން ރާއްޖެއަށް ގެންނަނީ ކޮން ބައެއްގެ ޚަރަދުގައިކަމެއް އަދި ހާމަކޮށްފައި ނުވެއެވެ.
ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ޖަންގ ލިޖޮންގ ޓެގް ކުރައްވާ ހޯމަ ދުވަހުގެރޭ އަނދުން ހުސެއިން ކުރެއްވި ޓްވީޓެއްގައި ވިދާޅުވީ، ޗައިނާއިން ރާއްޖެއަށް ހަދިޔާކުރި ވެކްސިން ބަލައި ދިއުމަށް 100،000 (އެއްލައްކަ) ޑޮލަރު ހޭދަކޮށްގެން ފްލައިޓެއް ޗާޓާކޮށްގެން ދާން ޖެހުން އެއީ ހިތާމަވެރި ހަބަރެއް ކަމަށެވެ.
@AmbassadorZhang Sad to hear that Maldives has to charter a flight for more then USD 100,000 to pick up the vaccine “gifted by the government of China ??”??
— Hussain Shaheem (@AndhunHussain) March 22, 2021
ނަމަވެސް ނިމިދިޔަ ހަފްތާ ރާއްޖޭގެ މީޑިއާތަކުން ވަނީ ޗައިނާއިން ހަދިޔާކުރި ވެކްސިން ބަލައި އެގައުމަށް ދާން ޖެހޭނެ ކަމަށް ބުނެ ރިޕޯޓްކޮށްފައެވެ. ނަމަވެސް މިކަމާއި ގުޅޭގޮތުން ސަރުކާރުގެ ރަސްމީ އިދާރާއަކުންވެސް މިހާތަނަށް އަދި އެއްޗެއް ބުނެފައި ނުވެއެވެ.
ކޯވިޑް-19 އާއި ގުޅިގެން ރާއްޖެއަށް މާލީ ގޮތުންނާއި ވަސީލަލަތުގެ ގޮތުންވެސް ޗައިނާގެ އެހީތެރިކަން ފޯރުކޮށް ދީފައިވެއެވެ.
ކޮމެންޓު ފޮނުވާ