އީރާނުގެ ރައީސް މަސޫދު ޕެޒެޝްކިއަން އަވަހާރަކޮށްލުމަށް މިއަދު ދިން ނުރައްކާތެރި ހަމަލާ ނާކާމިޔާބުވެ، އެމަނިކުފާނު ސަލާމަތްވެވަޑައިގެންފައިވާ ކަމަށް އެގައުމުގެ މީޑިއާތަކުން ކަށަވަރުކޮށްދީފިއެވެ.
ރައީސް ޕެޒެޝްކިއަންގެ ދަރިކަލުން ޔޫސުފް ޕެޒެޝްކިއަންއާ ހަވާލާދީ ދައުލަތުގެ މީޑިއާއިން ރިޕޯޓުކޮށްފައިވާ ގޮތުގައި، ރައީސްގެ ހާލުކޮޅު ރަނގަޅެވެ. އަދި މިއީ އެމެރިކާއާއި އިސްރާއީލު ގުޅިގެން ރައީސް އަވަހާރަކޮށްލުމަށް ރާވައިގެން ހިންގި އަމަލެއް ކަމަށް ތުހުމަތުކޮށްފައިވީ ނަމަވެސް، އެ ރޭވުން ވަނީ ފެއިލްވެފައެވެ.
މި ހަމަލާތަކަކީ އިރާނުގެ ވެރިކަން ބަދަލުކޮށް، ގައުމުގެ އިސް ލީޑަރުން ނައްތާލުމުގެ މަގުސަދުގައި އެމެރިކާ އިސްވެ އޮވެ އިސްރާއީލާ ގުޅިގެން ދިން ވަރުގަދަ ހަމަލާތަކެއް ކަމަށް ރިޕޯޓުތައް ބުނެއެވެ. ނަމަވެސް، ސަލާމަތީ ސަބަބުތަކަށްޓަކައި ރައީސް ޕެޒެޝްކިއަން މިވަގުތު ހުންނެވި ތަނެއް ސަރުކާރުން ހާމަކޮށްފައެއް ނުވެއެވެ.
ކޮމެންޓު ފޮނުވާ