ހުއްދަ ލިބިފައިވާ ވިޔަފާރީގެ ނަމުގައި ފާހިޝް ޢަމަލުތައް ހިންގަމުންދާ މަސާޖު ޕާލާތައް ހުއްޓުވުމަށް ފެށި އޮޕަރޭޝަނުން މިހާތަނަށް 96 ތަނެއް ބަންދުކޮށްފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. މި މަހު ފެށި މި އޮޕަރޭޝަންގެ ތަފްސީލު އެކްސްގައި ހިއްސާކުރައްވަމުން ރައީސް ފާހަގަކުރެއްވީ މިފަދަ ތަންތަން ހިނގަމުންދަނީ އެފަދަ ޚިދުމަތްތައް ބޭނުންކުރާ ފަރާތްތަކެއް ތިބުމުން ކަމަށާއި އެއީ ހިތާމަޔާއެކު ޤަބޫލުކުރަންޖެހޭ ޙަޤީޤަތެއް ކަމަށެވެ.
ރައީސް ވިދާޅުވީ މުޖުތަމަޢުން ފާހިޝް ކަންތައްތަކާއި މުންކަރާތްތައް މަދުކުރެވޭނީ ޢާންމު ރައްޔިތުންނާއި ހުރިހާ ފަރާތްތަކުގެ ނިޔަތާއި ޢަމަލު އެއްގޮތްވުމުން ކަމަށާއި އެފަދަ ކަންތައްތަކަށް ނޫނެކޭ ބުނެ އަޅުގަނޑުމެން އެއްބައިވުމަށް އެދި ދުޢާކުރައްވާ ކަމަށެވެ.
ކޮމެންޓު ފޮނުވާ