ބާސެލޯނާގެ މުވައްޒަފުންގެ ތެރެއިން ދެ މީހަކު ކޯވިޑް 19 އަށް ޕޮޒިޓިވްވެ، އެ ކްލަބުން ވަގުތީ ގޮތުން ތަމްރީނުތައް މެދުކަނޑާލައިފިއެވެ.
މާދަމާ ބާސާއިން އެތުލެޓިކޯ ބިލްބާއޯއާއެކު ދެކޮޅަށް ކުޅެން އޮތް މެޗަށް މިއަދުވެސް ތަމްރީނުތައް ކުރަން ހަމަޖެހިފައި އޮތްއިރު، ތަމްރީނުތައް ހުއްޓާލައި މިހާރު ވަނީ ހުރިހާ ކުޅުންތެރިންނާއި އޮފިޝަލުން ކޯވިޑް ޓެސްޓެއް ހަދާފައެވެ. އައުޓްބްރޭކެއް ކްލަބު ތެރޭގައި އުޅޭ ކަމަށް ބެލެވި، އެކަމަށް ސަމާލުވުމުގެ ގޮތުން ރައްކާތެރިކަމުގެ ފިޔަވަޅުތައް އަޅާފައިވާ ކަމަށްވެސް ކްލަބުން ބުނެފައިވެއެވެ.
ހުރިހާ ތަފްސީލެއް މިހާރު ވާނީ ކަމާ ބެހޭ ސިއްހީ އިދާރާތަކާ ހިއްސާ ކޮށްފައިވާ ކަމަށާއި އަދި މިއަދު ސްކޮޑު އެއްކޮށް ކޯވިޑް 19 އަށް ޓެސްޓް ކޮށްފައިވާނެ ކަމަށް ބާސާއިން ބުނެއެވެ. އަދި މިހާރު ކުލަބުން އަމަލުކުރަމުން ދަނީ އެ ގައުމުގައި ހަދާފައިވާ ޕްރޮޓެކޯލް އާއި އެއްގޮތައްް ކަމަށާއި ފަރިތަކުރުންތައް އަލުން ފަށާނީ ޓެސްޓުތަކުގެ ނަތީޖާ ލިބުމުން ކަމަށް ބާސެލޯނާއިން ބުނެއެވެ.
މިވަގުތު ބާސާއިން 16 މެޗުން 28 ޕޮއިންޓާއެކު ލީގު ތާވަލުގެ ފަސްވަނައިގައި އޮތްއިރު، އެއްވަނައިގައި އޮތް އެތުލެޓިކޯ މެޑްރިޑާ 10 ޕޮއިންޓްގެ ފަރަގެއް އެބައޮތެވެ.
ކޮމެންޓު ފޮނުވާ