ދިރާގު ދިވެހި ޕްރިމިއާ ލީގުގައި ކްލަބް ވެލެންސިއާ އަތުން ބަލިވި މެޗުގައި ދައްކަން ބޭނުންވާ ވާހަކަ އޮތީ މަނާވެފައި ކަމަށާއި އެހެން ވާހަކަތައް އަލިއަޅުވާލައިގެން ވެސް ބޭނުންވާ ކަންކަމާ ބެހޭގޮތުން އެއްޗެއް ބުނެވެން ނެތް ކަމަށް މުހައްމަދު ޝިޔާޒް (މޯހަން) ބުނެފިއެވެ.
އެފްއޭއެމްއާ އެކު ކްލަބްތަކުން ވެފައިވާ އެއްބަސްވުމެއްގެ ދަށުން، ދިރާގު ދިވެހި ޕްރިމިއާ ލީގުގެ މެޗުތަކަށް ފަހު ރެފްރީންގެ ނިންމުންތަކަށް ކޯޗުންނަށް ފާޑުނުކިޔޭނެ ކަމަށް އެ އެސޯސިއޭޝަނުން ވަނީ ބުނެފައެވެ.
ފުރަަތަމަ ވެސް ވެލެންސިއާ އަށް މަރުހަބާ ދަންނަވަން. ވެލެންސިއާގެ ކާމިޔާބީ އަށް. ދެން މިއަދު ދައްކަން ޖެހޭ ވާހަކަ އެ އޮތީ އިއްޔެގައި މަނާކޮށްފައި މިއަދު ވެލެންސިއާއާ ކުޅެންވާއިރަށް. އެހެންވީމަކާ ދައްކަން އޮތް އެންމެ މުހިއްމު ވާހަކަ ނެތް ދެއްކެން ވަރަށް ބޮޑަށް މާފުކުރައްވާތި.
– މޯހަން ބުނެފައިވެއެވެ.
މޯހަން ބުނީ ބުނީ އަނިޔާގެ ސަބަބުން ވަރަށް ކުރަން ޖެހުނު ބަދަލުތަކަކީ ހަގީގަތުގައި ބޭނުންވި ބަދަލުތަކެއް ނޫން ކަމަށެވެ. އަނިޔާގެ މައްސަަލައާ ހުރެ މެޗު ދިޔައީ ވަރަށް ނަސީބު ދެރަކޮށް ކަމަށާއި މި މެޗުގަައި އަނިޔާވި ރިޒޭ ލައްވައި ކުޅުވީ ޑޮކްޓަރުގެ ހުއްދަ ހޯދައިގެން އަދި ރިޒޭ ވެސް ބޭނުންވެގެން ކަމަށާއި އެކަން ވެސް ދިޔައީ ނަސީބު ދެރަކޮށް ކަމަށެވެ.
މި މެޗުން ބަލިވުމާ އެކު އީގަލްސް އަށް ވަނީ މި ފަހަރު ސީޒަނުގައި މޮޅެއް ނުލިބި ހަތަރު ވަނަ މެޗެއް ނިންމާލަން ޖެހިފަ އެވެ. އީގަލްސް އަށް ހަތަރު މެޗުން ލިބުނީ އެންމެ ޕޮއިންޓެކެވެ. މި ސީޒަނުގައި މިހާތަނަށް ތިން މެޗުން ބަލިވެފައިވާއިރު، އެ ޓީމުން މިދިޔަ ސީޒަނުގައި ލީގުގެ ދެ ވަނަ ހޯދިއިރު 21 މެޗުގެ ތެރެއިން ބަލިވީ ދެ މެޗުންނެވެ.
ކޮމެންޓު ފޮނުވާ