ދަ ގްރާންޑޭ ސްޕޯޓްސް ކްލަބުން ޗެމްޕިއަން މާޒިޔާއާ 2-2 އިން އެއްވަރުވި މެޗުގައި މާޒިޔާގެ އެސިސްޓެން ކޯޗު އަހުމަދު ސުޒޭރާ އެކު މަސައްކަތްކޮށްފައިވުމުން މި މެޗުގެ އޮއެވަރު ބަދަލުވެގެން ދިޔަ ވަގުތުތަކުގައި އެޑްވާންޓޭޖް ނެގުނު ކަމަށް ދަ ގްރާންޑޭގެ ކޯޗު އިސްމާއިލް މެހެފޫޒް ( އިންމަ) ބުނެފިއެވެ.
މެޗުގެ ކުރިން ސުޒޭރު އެންމެ ބޮޑަށް ފާހަގަކުރި އެއް ކަމަކީ ދަ ގްރާންޑޭގެ ކޯޗު އިސްމާއިލް މަހަފޫޒް (އިންމަ)އާ އެކު އަށް ވަރަކަށް އަހަރު އެއްކޮށް މަސައްކަތްކޮށްފައިވުމުން އުނދަގޫކަމެއް ހުންނާނެ ކަމަށެވެ.
ކުރީދުވަހު ވެސް ބުނިން އެޑްވާންޓޭޖް ވެސް ހުންނާނެއޭ. އެހެން ނަމަވެސް އަޅުގަނޑު މި މެޗުގައި ޕްލޭޔަރުން ކައިރީގައި ބުނެފައި އައީ މި މެޗުން ކޮންމެސް އެއްޗެއް ހޯދަން ހިނގާށޭ. 90 މިނިޓް ޑިސިޕްލިން ހިފަހައްޓައިގެން އެ މަސައްކަތް މިކުރީ.
– އިންމަ ބުނެފައިވެއެވެ.
ދަ ގްރާންޑޭ އިން މިދިޔަ އަހަރު ވަރަށް ގިނަ މެޗުތަކެއްގައި ފަހު ވަގުތާ ހަަމައަށް މަސައްކަތްކޮށް މެޗުތަކުގައި ނަތީޖާ ހާސިލްކޮށްފައިވެ އެވެ. މި މެޗުގައި މާޒިޔާއާ ދެކޮޅަށް އެ ރޫހު ފެނުމުން އިންމަ ހުރީ ވަރަށް ބޮޑަށް ހިތްހަމަޖެހިފަ އެވެ. މެޗުން ލިބުނު ޕޮއިންޓާ އެކު ހަތަރު މެޗުން ލިބުނު ހަ ޕޮއިންޓު ހޯދާ އެ ޓީމު އޮތީ ލީގުގެ ތިން ވަނައިގަ އެވެ.
ކޮމެންޓު ފޮނުވާ