ދިރާގު ދިވެހި ޕްރިމިއާ ލީގުގައި މިއަދު ހަވީރު ސުޕަ ޔުނައިޓެޑާ ދެކޮޅަށް ނުކުންނައިރު ސަސް މެޗަކުން ބަލިނުވެ އޮތްއޮތުމަކީ ވެސް ގްރީން ސްޓްރީޓްސް އިން މި މެޗަށް ސަމާލުވާން ޖެހޭ ކަމެއް ކަމަށެވެ.
ތިން ވަނަ މެޗުގައި ޔުނައިޓެޑް ވިކްޓްރީ ކޮޅަށް ނަތީޖާ ނުނެރެވުނު ނަމަވެސް ގޯލު ޖެހުމުގެ އަމާޒުގައި 13 ވަރަކަށް ޝޮޓް ޖެހިފައިވުމުން އެއީ ޕޮޒިޓިވެއްގެ ގޮތުގައި ނަގާ ކަމަށް އޭނާ ބުނެފައިވެއެވެ. ސަސްއާ ދެކޮޅަށް ނުކުންނައިރު، އެ ޓީމުން ހޯދަމުން އަންނަ ކުރިއެރުންތަކުގެ ފައިދާ ކުރާނެ ކަމަށްވެސް ނިސްތާރު ވަނީ ބުނެފައެވެ. ނިސްތާރު ބުނީ ސަސްއަކީ ލީގުގައި އަދި ބަލިނުވާ ޓީމެއް ކަމަށާއި، އެހެންކަމުން އެ ޓީމާ ދެކޮޅަށް ނުކުންނާނީ ވަރަށް ރަނގަޅަށް ތައްޔާރުވެގެން ކަމަށެވެ.
ހަމަ ވަރަށް ކެއާފުލީ ނުކުންނަން މި ޖެހެނީ. މި ސީޒަނަށް ބަލާއިރު އެއްވެސް ޓީމެއް އަންޑައެސްޓިމޭޓެއް ނުކުރެވޭނެ ވަރަށް ސަޕްރައިޒިން ރިޒަލްޓްސް މި އަންނަނީ.
– ނިސްތާރު ބުނެފައިވެއެވެ.
ބްރޭކަކަށް ފަހު މި ފަހަރުގެ ސީޒަން ފަށައިގެން ކުރިއަށްދާއިރު އަނިޔާގެ މައްސަލަތައް ދިމާވާނެކަން އެނގޭ ކަމަށާއި ހުރިހާ ޓީމެއް ވެސް އެކަމާ ކުރިމަތިލާން ޖެހޭނެކަން ނިސްތާރު ފާހަގަކުރި އެވެ. އަނިޔާގެ ސަބަބުން ސަސްގެ މޫސާ ހަސަން އަށް މިއަދުގެ މެޗުގައި ނުކުޅެވޭއިރު، ގްރީން ސްޓްރީޓްސް އިން ނުކުންނާނީ މުހައްމަދު ޖައިލަމް (އޮގީ) ނުލަ އެވެ.
ލީގުގައި މިހާތަނަށް ގްރީން ސްޓްރީޓްސްއަށް މޮޅެއް ހޯދިފައި ނުވާއިރު، އެ ޓީމު ވަނީ ލީގުގައި ކުޅުނު ފުރަތަމަ ދެ މެޗުން ބަލިވެފައެވެ. އަދި ތާވަލުގެ ފުލުން ދެވަނައިގައި ގްރީން ސްޓްރީޓްސް އޮތީ އެންމެ ޕޮއިންޓަކާއެކުއެވެ.
ކޮމެންޓު ފޮނުވާ