ސުޓްރުޓްގާޓް ބަލިކޮށް ލީޕްޒިގުން ތާވަލުގެ އެއްވަނައަށް

ޖަރުމަނު ބުންޑަސްލީގާގައި ލީޕްޒިގް މޮޅުވެ ތާވަލުގެ އެއްވަނައަށް ޖެހިލައިފިއެވެ.

ލީގުގައި ރަށުން ބޭރުގައި ކުޅުނު މެޗު ލީޕްޒިގުން ކާމިޔާބުކުރީ ސްޓްރުޓްގާޓްއާ ވާދަކޮށް 1-0 ލަނޑުންނެވެ. މެޗުގެ ފުރަތަމަހާފްގައި ލީޕްޒީގަށް ކުރި ހޯދަން ރަނގަޅު ފުރުސަތެއް ލިބުނު ނަމަވެސް އެޓީމުން ވަނީ އެފުރުސަތު ނަގާލާފައެވެ. މެޗުގެ ފުރަތަމަ ހާފްގައި ލީފްޒިގަށް ލިބުނު އެމިލް ފޯސްބާގް އަށް ވަނީ ކާމިޔާބުކުރެވޭ ގޮތް ނުވެފައެވެ.

މެޗުގައި ލީޕްޒިގު މޮޅުވި ދެވަނަ ހާފްގައި ޑެނީ އޮލްމޯ ކާމިޔާބުކުރި ލަނޑުންނެވެ. ރޭ ތާވަލުގެ ދެވަނައިގަ އޮތް ބަޔާ ލެވަކޫސަން ވަނީ އެންޓްރެޗް ފްރެންކްފާޓް އަތުން ބަލިވެފައެވެ. މެޗު ފްރެންކްފާޓުން ކާމިޔާބުކުރީ 2-1 ލަނޑުންނެވެ. ލީގުގައި ކުޅުނު އެހެން މެޗުތަކަށް ބަލާއިރު ފެރިބާގްއިން ވަނީ ހޮފެންހަމްގެ މައްޗަށް 3-1 ލަނޑުން ކުރިހޯދާފައެވެ. އޮގްސްބާގް އިން ކުލޯން މައްޗަށް ކުރި ހޯދިއިރު ޔޫނިއަން ބާލިން ވަނީ ވާޑާ ބްރޭމަންގެ މައްޗަށް ކުރިހޯދާފައެވެ. ބްރޫޝިޔާ މޮންޗެންގްލެބެކް، އަރްމީނިޔާ ބެއިލަފީލްޑް މައްޗަށް ކުރި ހޯދިއިރު ޝާލްކޭ ވަނީ ލީގުގައި ވިދިވިދިގެން 30 ވަނަ މެޗުން ބަލިވެފައެވެ. ލީގުގެ އަދި މޮޅެއް ނުހޯދޭއިރު އެޓީމުން ވަނީ މިހާތަނަށް 20 މެޗުން ބަލިވެ 10 މެޗު އެއްވަރުކޮށް ބައިކޮޅަށް 75 ލަނޑު ވަދެފައެވެ. އެޓީމުން ޖެހީ 15 ލަނޑެވެ.

ލީގުގެ އެއްވަނައިގައި މިވަގުތު ލީޕްޒިގް އޮތީ ކުޅުނު 14 މެޗުން 31 ޕޮއިންޓް ހޯދައިގެންނެވެ. ދެވަނައިގާވާ ބަޔާން މިއުނަކަށް 30 ޕޮއިންޓް ލިބިފަވާއިރު މިރޭގެ އެޓީމު ކުޅޭ މެޗު ކާމިޔާބުކޮއްގެން އެއްވަނައަށް އެރުމުގެ ފުރުސަތު އޮންނާނެއެވެ. ބަޔާ ލެވަކޫސަން ތިންވަނައިގަ އޮތީ 14 މެޗުން  28 ޕޮއިންޓް ހޯދައިގެންނެވެ. ހަތަރުވަނާގައިވާ ޔޫނިއަން ބާލިން އަށް ލިބިފަވަނީ 14 މެޗުން 24 ޕޮއިންޓެވެ.