ރެއާލް އެއްވަރުވެ ދެވަނައިގަ އޮވެ އަހަރު ނިންމާލައިފި

ސްޕެނިޝް ލަލީގައި އެލްޗޭއިން ރެއާލް މެޑްރިޑު މޮޅުވިޔަނުދީ ހިފަހައްޓައިފިއެވެ.

ރަށުން ބޭރުގައި ކުޅުނު  މެޗުން މެޑްރިޑް އެއްވަރުވީ 1-1 ލަނޑުންނެވެ. މެޗުގެ ކުރީ ކޮޅު ރެއާލް މެޑްރިޑްގެ މާސެލޯ އާއި މާކޯ އެސެންސިއޯ އަށް ނުރައްކާތެރި ދެ ހަމަލާއެއް އެލްޗޭގެ ގޯލަށް އަމާޒުކޮށް ފޮނުވާލާފައެވެ. މެޗުގެ ފުރަތަމަހާފްގައި ލުކާ މޮޑްރިޗްގެ ލަނޑު މެޑްރިޑް ކުރި ހޯދައިރު ދެވަނަ ހާފްގައި ލިބުނު ޕެނެލްޓީއަކުން އެލްޗޭގެ ފިޑެލް ވަނީ ނަތީޖާ ހަމަހަމަކޮށްފައެވެ.

ރޭގެ މެޗުގައި މެޑްރިޑްގެ މޮޑްރިޗް ޖެހި ލަނޑާއެކު އޭނާ ވަނީ 364 މެޗަށްފަހު ބޮލުން ފުރަތަމަ ފަހަރަށް ލަނޑެއް ޖަހައިފައެވެ. މިއީ މިހާތަނަށް ކުޅުންތެރިޔާ ބޮލުން ޖަހައިދިން ޖަހައިދިން 26 ވަނަ ލަނޑެވެ. މިމެޗުގެ ކުރިން ލީގުގައި ކުޅުނު ފަސްމެޗު މެޑްރިޑުން ވަނީ ކާމިޔާބުކޮށްފައެވެ.

ރޭގެ ހޯދި ނަތީޖާ އެކު މެޑްރިޑުން އަހަރު ނިންމާލީ ތާވަލުގެ ދެވަނައިގައި އޮވެއެވެ. މެޑްރިޑް ދެވަނާގައި އޮތީ 16 މެޗު ކުޅެގެން އެއްވަނައިގަ އޮތް އެތުލިޓިކޯއަށް ވުރެ ދެޕޮއިންޓް މަދުން ހޯދައިގެން 33 ޕޮއިންޓާއެކުއެވެ.