އިނގިރޭސި ޕްރިމިއާ ލީގުގައި އާސެނަލް ރޭ ކުޅުނު މެޗުން ވަނީ ރަށުން ބޭރުގައި ބްރައިޓަން އަތުން 1-0 އިން މޮޅުވެފަ އެވެ.
މެޗުގެ ހަމައެކަނި ގޯލު އާސެނަލަށް ކާމިޔާބުކޮށްދިނީ ފްރާންސްގެ ފޯވާޑް އަލެކްސަންޑަ ލަކަޒޭޓް އެވެ. އޭނާ މި ލަނޑު ޖެހީ ފަހަކަށް އައިސް ރަނގަޅު ފޯމެއްގައި ހުރި އިންގްލެންޑްގެ 21 އަހަރުން ދަށުގެ ޓީމުގެ ކުޅުންތެރިޔާ ބުކާޔޯ ސަކާ ދިން ބޯޅައަކުންނެވެ.
ލީގުގައި ރޭ ކުޅުނު އެހެން މެޗުތަކުގެ ނަތީޖާ އަށް ބަލާއިރު ފުލުގައި އޮތް ޝެފީލްޑް ޔުނައިޓެޑް އަތުން 1-0 އިން ބާންލީ މޮޅުވިއިރު، ސައުތެމްޓަން އާއި ވެސްޓް ހޭމް ޔުނައިޓެޑް މެޗު ނިމުނީ 0-0 އިން އެއްވަރުވެގެންނެވެ. ލީޑްސް ޔުނައިޓެޑް ވަނީ 5-0 އިން ވެސްޓް ބްރޮމް ބަލިކޮށްފަ އެވެ.
ކޮމެންޓު ފޮނުވާ