ކަކުލަށް ލިބުނު އަނިޔާއާއި ގުޅިގެން ސްޕެނިޝް ލީގުގައި އެއިބާ އާއި ދެކޮޅަށް މިރޭ ބާސެލޯނާ ކުޅޭ އަހަރުގެ ފަހު މެޗުގައި ކެޕްޓަން ލިއޮނަލް މެސީއަށް ނުކުޅެވޭނެކަމަށް އެ ކުލަބުން ބުނެފިއެވެ.
މެސީގެ ކަނާތު ކަކުލަށް ލިބުނު އަނިޔާއާއި ގުޅިގެން ބާސާއިން ނެރުނު ބަޔާނުގައި ބުނެފައިވަނީ މެސީއަށް ލިބުނު އަނިޔާ އެހާ ސީރިއަސް ނޫންކަމަށާއި ނަމަވެސް ބަލަންޖެހޭ އިތުރު ކަންކަން ހުރުމާއި، އެ އަނިޔާ އެއްކޮށް ރަނގަޅު ނުވާތީ މިރޭ ކުޅޭ މެޗުގައި މެސީއަށް ނުކުޅެވޭނެ ކަމަށެވެ. މެޗުގެ ކުރިން ބޭއްވި ފަރިތަކުރުންތަކުގައި ވެސް މެސީ ބައިވެރިވެފައެއް ނުވެއެވެ. އެއާއެކު ބާސާގެ މެޑިކަލް ޓީމުން ދަނީ މެސީއަށް ލިބުނު އަނިޔާ އިތުރަށް ބަލަމުންނެވެ.
މިހާތަނަށް ބެލި ބެލުމުން އެންމެ އަވަހަށްވެސް މެސީއަށް ކުޅެވޭނީ އަންނަ އަހަރުގެ ޖެނުއަރީ 3 ވަނަ ދުވަހު ހުއެސްކާ އާއި ދެކޮޅަށް ބާސާ ކުޅޭ މެޗުގައެވެ. ލީގުގައި މިހާތަނަށް ބާސާ ކުޅުނު 14 މެޗުގެ ތެރެއިން މޮޅުވި 7 ވަނަ މެޗުންނެވެ. މި ނަތީޖާއާއެކު ބާސާ އޮތީ ތާވަލުގެ ފަސްވަނައިގައެވެ.
ކޮމެންޓު ފޮނުވާ