ދިރާގު ދިވެހި ލީގުގައި ޔުނައިޓެޑް ވިކްޓަރީ އަތުން ކުލަބް ގްރީން ސްޓްރީޓްސް އެއްވަރުވުމުން މެޗު ދިޔައީ ނަސީބު ދެރަކޮށް ކަމަށާއި މައްސަލައަކަށްވީ ލިބުނު ފުރުސަތުތަކުގެ ބޭނުން ނުހިފުން ކަމަށް ނިސްތާރު ބުނެފިއެވެ.
ވަރަށް މާޔޫސްކޮށް މިދިޔައީ. އެކަމަކު ކަލެކްޓިވް އެފަޓެއް ލައިގެން އެންމެން ވެގެން ހާލަތު ބަދަލުކުރާނަން އިރާދަކުރެވިއްޔާ.
ނިސްތާރު ބުނެފައިއެވެ.
ޔޫވީގެ ކޯޗު މުހައްމަދު އާދަމް ބުނީ ގްރީން އަށް ޕެނަލްޓީ ދިނީ ރަނގަޅަށް ކުޅެމުން އަންނަނިކޮށް ކަމަށާއި އެ ޕެނަލްޓީއާ މެދު ހިތްހަމަނުޖެހޭ ކަމަށެވެ. އަދި އެއީ ޕެނަލްޓީއަކަށް ވާ ނަމަ ފަހު ވަގުތު އެ ޓީމަށް ޕެނަލްޓީ ނުދިން ސަބަބާ މެދު އޭނާ ސުވާލު އުފެއްދި އެވެ. މުހަންމަދު ބުނީ ދެ މެޗުން ބަލިވެފައި އޮއްވާ މިއަދު ޕޮއިންޓެއް ލިބުނު ނަމަވެސް އަދިވެސް ޕްރެޝަރު ނުކެނޑޭ ކަމަށާއި މައްސަލައަކީ އަނިޔާގައި ކުޅުންތެރިންތަކެއް ތިބުން ކަމަށެވެ.
މި ދެ ޓީމު މީގެ ކުރިން ކުޅުނު ދެ މެޗުން ވެސް ވަނީ ވެލެންސިއާ އާއި މާޒިޔާ އަތުން ބަލިވެފަ އެވެ. މި ދެ ޓީމު މިވަގުތު އޮތީ އެއް ޕޮއިންޓާ އެކު އެވެ.
ކޮމެންޓު ފޮނުވާ