ޔުއެފާ ނޭޝަންސް ލީގުގައި މިރޭ ޖަރުމަނާ ދެކޮޅަށް ނުކުންނައިރު ޔުކްރެއިންގެ ކޯޗު އަންދްރޭ ޝެވްޗެންކޯ ބުނީ މިއީ ޒުވާން ކުޅުންތެރިންނަށް، އެކުޅުންތެރިންގެ ހުނަރުދައްކާލަން ލިބޭނެ ފުރުސަތެއްކަމަށެވެ.
ޓީމުގެ މުހިންމު ކުޅުންތެރިން ނެތްކަމަށާއި އެޓީމުން ނެރޭނީ ޒުވާން ކުޅުންތެރިންކަމަށް ޔޫކްރެއިންގެ ކޯޗު އަންދްރޭ ޝެވްޗެންކޯ ބުނެއެވެ. ޖަރުމަނު މެޗުގެ ކުރިން ވާހަދައްކަމުން ޝެވްޗެންކޯ ބުނީ ޔުކްރެއިނުގެ 21 އަހަރުން ދަށުގެ ބައެއް ކުޅުންތެރިންނަށް މިމެޗުގައި ފުރުސަތު ދޭނެކަމަށެވެ. އެނާ ބުނީ މިވަގުތު އޭނާގެ ޓީމުގައި ވަރުގަދަ ސްކޮޑެއް ނެތުމުން އުނދަގޫ ކުރިމަތި ވެފައި ވާކަމަށެވެ. ޓީމު ކުރިޔަށް ދަނީ ފިޔަވަޅަކަށް ފަހު ފިޔަވަޅެށް ކުރިޔަށް ކަމަށާއި ވޭތުވެދިޔަ މުއްދަތުގެ ތެރޭގައި ޓީމުން ހޯދި ކުރިއެރުމާ މެދު ހިތްހަމަ ޖެހޭކަމަށް ޝެވްޗެންކޯ ބުނިއެވެ.
" މިއީ މިލެވެލްގައި ކުރިމަތިވާ އާ ގޮންޖެހުމެއް، މި ފުރުސަތުގެ ބޭނުން ޒުވާން ކުޅުންތެރިން ހިފަންޖެހޭ" – ޝެވްޗެންކޯ
ޔުކްރެއިން ޓީމުގެ ކޯޗު ބުނީ އަނެއްކާވެސް ޓީމަށް މިއޮތީ އާ ގޮންޖެހުންތަކަކާ ކުރިމަތިލާން ޖެހިފަ ކަމަށާއި މިލެވެލްގައި ޔުކްރެއިނުން ވާދަ ކޮށްލަން ފުރުސަތު ލިބުމަކީ ވެސް ލިބޭ ވަރަށްބޮޑު ތަޖުރިބާއެއް ކަމަށެވެ. އެންމެ ފަހުން ޖަރުމަނާ ދެކޮޅަށް ކުޅުނު 6 މެޗުގައި ވެސް ޔުކްރެއިނަށް ވަނީ ކުރި ނުހޯދިފައެވެ.
