ތިލަފުށީގައި އޮތް ދޯންޏެއްގައި ރޯވެ ފިހުނު ދެމީހުންނަށް އައިޖީއެމްއެޗްގައި ފަރުވާދެނީ

ލަފުށީ ފަޅުގައި އޮތް ދެ ދޯންޏެއްގައި އަލިފާނުގެ ހާދިސާއެއް ހިނގައި ބަޔަކަށް ހާނީއްކަވެއްޖެއެވެ.

މި ހާދިސާ ހިނގަން މެދުވެރިވީ ދޯންޏަށް ތެޔޮއަޅަން އުޅުމުގެ ތެރޭގައި ކަމަށް އެމްއެންޑީއެފްއިން ވިދާޅުވިއެވެ. އަލިފާނުގެ ހާދިސާގެ މަޢުލޫމާތު ސިފައިންނަށް ރިޕޯޓުކޮށްފައިވަނީ މިއަދު 16:30ހާއިރު ކަމަށް އެމްއެންޑީއެފުން ވިދާޅުވިއެވެ. އެމްއެންޑީއެފްގެ ފަޔަރ އެންޑް ރެސްކިއުޓީމުންވަނީ މިއަދު ހަވިރު 5:30 ހާއިރު މިއަލިފާން ނިއްވާލާފައެވެ.

މި ހާދިސާގައި 2މީހަކު ފިހިފައިވާކަމަށް އެމްއެންޑީއެފްއިން މަޢުލޫމާތުދެއްވައެވެ. ފިހިފައި ވަނީ ދިވެހި ފިރިހެނަކާއި ބިދޭސީއެކެވެ. މިދެމީހުންނަށް ވެސް މިވަގުތު އައިޖީއެމްއެޗުގައި ދަނީ ފަރުވާދެމުންނެވެ.