ޕީއެސްޖީ މޮޅުވެ ތިންވަނަގަ އޮވެ އަހަރު ނިންމާލައިފި

ފްރެންޗް ލީގުގައި ޕީއެސްޖީ އެޓީމު ކުޅުނު މެޗު ކާމިޔާބުކޮށް ތިންވަނަ ދަމަހައްޓައިފިއެވެ.

ޕީއެސްޖީ މޮޅުވީ އަމިއްލަ ދަނޑުގައި ސްޓްރެސްބޯގްއާ ވާދަކޮށް 4-0 ލަނޑުންނެވެ. މެޗުގައި ޕީއެސްޖީއަށް ލަނޑުތައް ކާމިޔާބުކުރީ ޓިމޮތީ ޕެންބެލޭ، ކައިލަން އެމްބާޕޭ، އިދުރީސް ގުއޭގެ އިތުރުން މޮއިސް ކީންއެވެ. މި ނަތީޖާއެކު ރޭ ނެންޓްސް އަތުން ހޯދިމޮޅާއެކު ލަނޑުގެ ތަފާތުން ލިޔޯން އެއްވަނާގައި 36 ޕޮއިންޓާއެކު އޮތްއިރު ރޭ ލިލް މޮޅުވެ ދެވަނަގައި އޮތީ ހަމަ މިއަދަދަށް ޕޮއިންޓް ހޯދައިގެންނެވެ.

ޕީއެސްޖީ ތިންވަނައިގަ އޮތީ 35 ޕޮއިންޓާއެކުއެވެ. ރެންނޭސް ހަތަރުވަނައިގައި 31 ޕޮއިންޓާއެކު އޮތްއިރު ފަސްވަނައިގަ މާސޭ އޮތީ 28 ޕޮއިންޓް ހޯދައިގެންނެވެ. ލިޔޯން އެއްވަނައިގަ އަހަރު ނިންމާލި އިރު މިއީ 2008 ވަނައަހަރު ފަހުން ލީގުގެ އެއްވަނައިގަ އޮވެ އެޓީމުން އަހަރު ނިންމާލި ފުރަތަމަފަހަރުއެވެ.

ރޭގެ މެޗުތަކާއެކު އާއަހަރުގެ ޗުއްޓީއަށް ލިގުގެ މެޗުތައް މެދުކަނޑާލިއިރު ދެން ފްރެންޗް ލިގުގެ ކުޅުން ފެށޭނީ އަންނަ މަހުގެ 6 ވަނަ ދުވަހުއެވެ.