އިޓާލިއަން ލީގުގައި ޔުވެންޓަސް ފުރަތަމަ ފަހަރަށް ބަލިވުމުގެ އިތުރުން އިޓަލީ އޮލިމްޕިކް ކޮމިޓީގެ ނިންމުމަކާ ގުޅިގެން އެޓީމަށް އެއް ދުވަހެއްގައި 6 ޕޮއިންޓް ގެއްލިއްޖެ އެވެ.
އިޓަލީގެ އޮލިމްޕިކް ކޮމިޓީން ވަނީ ނަޕޯލީ އާއި ޔުވެންޓަސް އޮކްޓޫބަރު 4 ވަނަ ދުވަހު ވާދަކުރަން އޮތް މެޗަށް ނަޕޯލީ ހާޒިރުނުވުމުން ޔުވެންޓަސް އަށް ދީފައިވާ ތިން ޕޮއިންޓް ކެންސަލް ކުރުމަށް ނިންމައިފަ އެވެ. މި ނިންމުމާ އެކު ނަޕޯލީ އާއި ޔުވެންޓަސްގެ މެޗު އަލުން ކުޅޭ ގޮތަށް މިހާރު ވަނީ ނިންމައިފަ އެވެ.
ކޮވިޑް-19 އާ ގުޅިގެން ދަތުރުފަތުރު ކުރުމުގެ ހުއްދަ ނުލިބުނު ކަމަށްބުނެ ނަޕޯލީ އިން ޔުވެންޓަސްއާ ކުޅެން އޮތް މެޗަށް ނުދިއުމުން އެ ކްލަބަށް ދިން އަދަބަކީ ޕޮއިންޓެއް އުނިކޮށް ޔުވެންޓަސް މެޗުން މޮޅުވީ ކަމަށް ނިންމުމެވެ. އެކަމަކު ނަޕޯލީ އިން އެ ނިންމުން ބަދަލުކުރީ މައްސަލައިގައި ކުރި އެޕީލް ކާމިޔާބުކޮށްގެންނެވެ.
މިނިންމުމާއެކު އެންމެފަހު ޗެމްޕިއަން ޔުވެންޓަސް ހަވަނައިގަ އޮތީ އެއްވަނައިގަވާ މިލާންވުރެ 10 ޕޮއިންޓް މަދުން ހޯދައިގެންއެވެ.
ކޮމެންޓު ފޮނުވާ