އިނގިރޭސި ލީގުގައި ވެސްޓްހޭމް އަތުން ހޯދުނުމޮޅަކީ ނުތަނަވަސް ކަމުގެ ތެރެއިން ހޯދުނު މޮޅެއްކަމަށް ޗެލްސީގެ ކޯޗު ފްރޭންކް ލަންޕާޑު ބުނެފިއެވެ.
މެޗަށްފަހު ވާހަކަދައްކަމުން ލަންޕާޑު ބުނީ މިއީ އުނދަގޫ ހާލަތަކުން ހޯދުނު މޮޅެއްކަމަށާއި މި މޮޅާއެކު ކުޅުންތެރިންނަށް އުނދަގޫ ހާލަތްތަކުގައި މޮޅުވެވިދާނެކަމުގެ ޔަގީންކަން ލިބިފަވާކަމަށެވެ. އޭނާ ބުނީ މެޗު ޗެލްސީ ފެށީ ރަނގަޅަށް ކަމަށާއި ދެވަނަހާފްގައި ޗެލްސީ އަށް މެޗުގައި ކުޅެން އުނދަގޫވިކަމަށެވެ. އަދި ފުރަތަމަހާފްގައި ޗެލްސީދެއްކި މޮޅުކުން ދެވަނަ ހާފްގައި ނުދެއްކުނުކަމަށް ލަންޕާޑު ވަނީ ބުނެފައެވެ.
އަހަރަމެން މެޗު ފެށީ ވަރަށް ރަނގަޅަށް، އަކަމަކު ދެވަނަ ހާފްގައި އެކުޅުމެއް އަހަރަމެންނަށް ނުދެއްކުނު، މުޅިޓީމު އޮތީ ހުއްޓުން އާރާފަ.
– ލަންޕާޑް ވަނީ ބުނެފައެވެ.
މެޗުން ހާސިލް ކުރެވުވުނު އެންމެ މުހިންމު ކަމަކީ ވިދިވިދިގެން ދެމެޗުން ބަލިވުމަށްފަހު މޮޅުވުމުގެ ރޫހު ޓީމުގެ ތެރޭގައި އޮތް މިންވަރު ހާމަވެގެން ހިގައްޖެކަމަށް ޗެލްސީގެ ކޯޗު ބުފެފައިވެއެވެ. މި މޮޅާއެކު ޗެލްސީ ވަނީ ލީގުގެ ފަސްވަނައަށް ކުރިޔަށް ޖެހިލާފައެވެ.
ކޮމެންޓު ފޮނުވާ