އިޓާލިއަން ސެރިއާގައި މިރޭ ފިއޮރެންޓީނާ ދެކޮޅަށް ނުކުންނައިރު ޓީމުން މޮޅުވުމުގެ ރޫހު ދައްކަންޖެހޭ ކަމަށް އިޓަލީގެ ޔުވެންޓަސްގެ ކޯޗު އަންދްރޭ ޕިރްލޯ ބުނެފިއެވެ.
މެޗުގެ ކުރިން ވާހަދައްކަމުން ޕިރްލޯ ބުނީ އެންމެފަހުން ލީގުގައި ޕާމާ އަތުން ހޯދީ މޮޅަކީ ކުޅުންތެރިން ރަނގަޅު ވިސްނުމާއެކު ހޯދުނު މޮޅެއްކަމަށެވެ. ލިގުގައި އޭގެ ކުރިން މެޗުގައި އެޓްލާންޓާ އަތުން މޮޅުނުވެވުމުން ކުޅުންތެރިން ތިބީ ޕާމާ އަތުން މޮޅުވާން ކެތްމަދުވެފަކަމަށެވެ. އެ މެޗުގައި ކުޅުނު ފަދަ މިމެޗުގައި ދެއްކިޖެކަމަށް ފިއޮރެންޓީނާ މޮޅުވެވިދާނެކަމަށް ޔުވެންޓަސްގެ ކޯޗު ބުނެފައިވެއެވެ.
އެންމެ ފަހުން އަހަރަމެން ކުޅުނީ ވަރަށް މޮޅު މެޗެއް، އެފެންވަރުގެ ކުޅުން މެޗުތަކުގައި އަހަރަމެންނަށް ދެއްކެންޖެހޭ، އަހަރުމެންގެ ވިސްނުމަކަށް ވާންވި މެޗު ފެށިގެން ނިމެންދެން ޑޮމިނޭޓް ކޮށްގެން ކުޅެން.
– ޕިރްލޯ ބުނެފައިވެއެވެ.
ލީގުގައި ހުރިހާ މެޗަކަށް ނުކުންނައިރު އެފަދަ ރޫހެއް ދައްކަންޖެހޭ ކަމަށް ޕިރްލޯ ވަނީ ބުނެފައެއެވެ. މިރޭ މެޗަށް ނުކުންނައިރު ފިއެރޮންޓީނާ އަކީ ހުރިހާ ގޮތަކުންވެސް ވަރުގަދަ ޓީމެއް ކަމަށާއި އެޓީމުގައި ފިޒިކަލީ ވަރުގަދަ ކުޅުންތެރިން ގިނަކަމަށެވެ. އެންމެ ބޮޑަށް ސަމާލުކަން ދޭންވާނީ ފިއޮރެންޓީނާގެ ކައުންޓް އެޓޭކްތަކަށް ކަމަށެވެ. މެޗާކުރިމަތިލާއިރު ޔުވެންޓެސް ވަނީ ލީގުގައި ކުޅުނު 13 މެޗުން 27 ޕޮއިންޓް ހޯދާ ތިންވަނައަށް ކުރިޔަށްޖެހިލާފަ.
ކޮމެންޓު ފޮނުވާ