އީދު ބަންދުގައި ހުޅުމާލެ ހޮސްޕިޓަލުން ހިދުމަތްދޭ ދުވަސްތައް އާންމުކޮށްފިއެވެ.
ހުޅުމާލެ ހޮސްޕިޓަލުން މިއަދު ބުނީ އީދުގެ މުނާސަބަތާ ގުޅިގެން އަންނަ ބަންދު ދުވަސްތަކުގައި ހޮސްޕިޓަލުގެ ސްޕެޝަލިސްޓް އޯޕީޑީ ކުރިއަށްދާނީ 17 ޖޫން އާއި 18 ޖޫންގައި ކަމަށެވެ. އަދި 15،16،19،20 ޖޫންގައި ސްޕެޝަލިސްޓް އޯޕީޑީ އަދި އެހެނިހެން ހިދުމަތްތައް ބަންދުވާނެ ކަމަށް ހުޅުމާލެ ހޮސްޕިޓަލުން ބުންޏެވެ.
ނަމަވެސް އޯޕީޑީ ބަންދު ދުވަސްތަކުގައި އައިޕީޑީ އަދި އިމަޖެންސީގެ ހިދުމަތް 24 ގަޑިއިރު ލިބޭނެއެވެ.
އަޟްހާ އީދާ ގުޅިގެން އަންނަ ހަފްތާގެ ހުރިހާ ދުވަހެއް ބަންދު ކުރަން ސަރުކާރުން ވަނީ ނިންމައިފައެވެ. މިއާއި އެކީ އަންނަ ހަފްތާގެ ހަތް ދުވަހުގެ އިތުރުން ހުކުރު ހޮނިހިރާއެކީ 9 ދުވަސް ބަންދުވާނެއެވެ.
އީދު ބަންދަށް ފަހު، ސަރުކާރުގެ އޮފީސްތައް ހުޅުވޭނީ 23 ޖޫން ވާ އާދިއްތަ ދުވަހުއެވެ.
