މާލެއިން އިއްޔެ ގެއްލިގެން ހޯދަމުންދާ ކުޑަ އަންހެން ކުއްޖާއަކީ ފާއިތުވިއަހަރުވެސް ގެއްލިގެން ހޯދާފައިވާ ކުއްޖެއްކަން އެނގިއްޖެއެވެ.
ފުލުހުން ބުނީ، ތ. މަޑިފުށި / ނައިޓްރޯސް، ޢާއިޝަތު ޒޯޔާ ފިކުރީ (14އ) އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އެކުއްޖާ ހޯދުމުގެ މަސައްކަތް ފުލުހުން ކުރަމުންދާ ކަމަށެވެ. އޭނާ މިހާރު ދިރިއުޅެނީ ވ. ނާލިސްގައިކަމަށް ފުލުހުން މައުލޫމާތުދެއެވެ.
ޢާއިޝަތު ޒޯޔާ ފިކުރީ އެންމެ ފަހުން ފެނިފައިވަނީ މެއި 21 ވަނަ ދުވަހު، އެކުއްޖާ ދިރިއުޅޭ ގެއިންކަމަށް އާއިލާއިން ފުލުހުންނަށް މައުލޫމާތުދީފައިވެއެވެ.
ޢާއިޝަތު ޒޯޔާ ފިކުރީގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ވިލިމާލެ ޕޮލިސް ސްޓޭޝަންގެ 9790083 އަށް ގުޅުއްވައި ހިއްސާކުރުމަށް ފުލުހުން އެދެއެވެ.
ޒޯޔާ އަކީ މިދިޔަ އަހަރު ވެސް މާޗު މަހުގެ ތެރޭގައި ގެއްލިގެން ހޯދަމުންދިޔަ ކުއްޖެކެވެ. އެކުއްޖާ ހޯދަމުންދަނިކޮށް އެފަހަރު ފެނިފައި ވަނީ ހުޅުމާލެ ދެވަނަ ފިޔަވަހިންނެވެ.
ފަހަކަށް އައިސް ރާއްޖެއިން މިގޮތަށް ކުދިން ގެއްލިގެން ރިޕޯޓުކުރާ މިންވަރު އިތުރުވެފައިވާއިރު، ކުއްޖާ ހޯދަން ފުލުހުން އިއުލާނުކުރުމުން އަމިއްލައަށް އާއިލާ ކައިރިއަށްދެއެވެ.
