ކުރީގެ އަހަރުތަކުގައި އެމްއެންޑީއެފް އާއި ފޮލިސް ކުލަބު ގައުމީ މުބާރާތްތަކުގައި ބައިވެރިވެ، އެކުލަބަށް ރާއްޖޭގެ މޮޅެތި ކުޅުންތެރިން ވެއްދި އުސޫލުން އެމްއެންޑީއެފްއަށް މިހާރު ރާއްޖޭގެ މޮޅެތި ދިވެހި ޕައިލެޓުން ވެއްދެންވާނެ ކަމުގައި ރައްޔިތުންގެ މަޖިލިހުގެ ކުރީގެ މެމްބަރު ރިޔާޒު ރަޝީދު ވިދާޅުވެއްޖެއެވެ.
ރާއްޖޭގައި އޮތް އިންޑިއާގެ ހެލިކޮޕްޓަރާއި ޑޮނިއަރ މަތިންދާޕޯޓު ދުއްވުމަށް އިންޑިއާއިން ސިފައިން ފޮނުވާލުމަށްފަހު ސިވިލިއަނުން ގެނައި ގެނައުމަށް އިޝާރާތް ކުރައްވާ، ޕޮލިސް ކުލަބުން އެހެންކުލަބުތަކާ އެއްފެންވަރުގައި ވާދަކުރުމަށް ރާއްޖޭގަތިބި މޮޅުކު ޅުންތެރިން ޕޮލިހަށާއި އެމްއެންޑީއެފަށް ވެއްދި އުސޫލުން ރާއްޖޭގަތިބި މޮޅު ދިވެހި ޕައިލެޓުން އިންޑިއާގެ ހެލިކޮޕްޓަރު އާއި ޑޯނިޔާ ބޯއްޓުތަށް ދުއްވުމަށް އެމްއެންޑީއެފަށް ވައްދަން ފަސްޖެހެނީ ކީއްވެތޯ ސުވާލު ކުރައްވާފައެވެ.
ފާއިތުވި ރިޔާސީ އިންތިޚާބުގައި ރައީސް މުއިއްޒު ވެވަޑައިގެންނެވި ރިޔާސީ ވައުދު ފުއްދެވުމުގެ ގޮތުން ރާއްޖޭގައި ތިބި އިންޑިއާ ސިފައިން ފޮނުވާލުމަށްފަހު މިހާރުވަނީ ވައިގެ އުޅަނދުތައް އޮޕަރޭޓް ކުރުމަށް ސިވިލިއަނުން ގެނެސްފައެވެ.
އެހެންނަަމެވެސް އިނދިކޮޅު ފަރާތްތަކުން ބުނަމުންދަނީ އިންޑިއާ ސިފައިން ފޮނުވާލާފައިވަނީ ނަމެއްގައި ކަމަށާއި، ޔުނީފޯމު ބަދަލުކުރުމަށްފަހު ސިވިލިއަނުންގެ ގޮތުގައި އައިސްފައިވަނީ ހަމަ އިންޑިއާގެ އަސްކަރިއްޔާގެ މުވައްޒަފުން ކަމުގައެވެ.
ކޮމެންޓު ފޮނުވާ