ހުޅުމާލެ އިން ބިން ގަތުމަށް ބޭނުންވާ ދިވެހިންނަށް އެޗްޑީސީން ފުރުސަތު ހުޅުވާލައިފިއެވެ.
އެޗްޑިސީން ކުރި އިއުލާނެއްގައި ބުނެފައިވަނީ، ބީލަމުގެ އުސޫލުން ވިއްކުމަށް ހަމަޖެހިފައިވަނީ ހުޅުމާލޭގެ ބީޗް ފަޅިން ވިއްކުމަށް ހަމަޖެހިފައިވަނީ 1864 އަކަފޫޓާއި 2408 އަކަފޫޓާ ދެމެދުގެ 13 ގޯތި ކަމުގައެވެ.
މި ބީލަމުގައި ބައިވެރިވެވެނީ 18 އަހަރު ފުރިފައިވާ ދިވެހިންނަށާއި ރާއްޖޭގައި ރަޖިސްޓަރީކޮށްފައިވާ 100 ޕަސަންޓް ދިވެހިންގެ ހިއްސާ އޮންނަ ކުންފުނި ތަކަށެވެ.
މި ބިންތަކަށް ބިޑް ޕޯޓަލް މެދުވެރިކޮށް ޝައުގުވެރިވާ ބިމަކަށް އެކްސްޕްރެޝަން އޮފް އިންޓަރެސްޓް (އީއޯއައި) ހުށަހެޅޭ ގޮތަށްވަނީ ހަމަޖައްސާފައެވެ. އެއް ފަރާތަށް ވުރެ ގިނަ ފަރާތުން އީއޯއައި ހުށަހަޅާފައިވާނަމަ އެ ބިމަކަށް ބިޑް ކުރެވޭނެ ކަމަށްވެސް އެޗްޑީސީ އިން ބުނެ އެވެ.
އެޗްޑީސީގެ އިއުލާންގައި ބުނެފައިވަނީ، ބިން ގަތުމަށް އެދޭ ފަރާތްތަކުން ޕޯޓަލްގައި ރަޖިސްޓަރީކޮށް އިއުލާނާ އެކު ޝާއިއުކޮށްފައިވާ މައުލޫމާތު ކަރުދާހާއި އެއްގޮތަށް ބީލަން ހުށަހެޅުމުގެ ފުރުސަތު މިއަދުން ފެށިގެން ހުޅުވާލެވިފައިވާ ކަމުގައެވެ.
ނިމިދިޔަ އެމްޑީޕީގެ ވެރިކަމުގައިވެސް ހުޅުމާލެއިން ބީލަމުގެ އުސޫލުން ދެ ބުރެއްގެމަތިން ބިން ވިއްކާފައި ވެއެވެ.
