ޕްރެޝަރު ކަޑުވާލަން ވެލެންސިއާ ބަލިކުރުން ނޫން ގޮތެއް ނެތް ކަމަށް ޔުނައިޓެޑު ވިކްޓަރީގެ ކޯޗު މުހައްމަދު އާދަމް ބުނެފި އެވެ.
ލީގުގައި މިއަދު ހަވީރު ވާދަކުރާ ވެލެންސިއާ މެޗާ ގުޅޭގޮތުން ވާހަކަދައްކަމުން މުހައްމަދު ބުނީ ހާލަތަށް ބަލާއިރު މި މެޗުން ތިން ޕޮއިންޓް ނެގުން ޔުނައިޓެޑް ވިކްޓްރީ އަށް ވަރަށް މުހިއްމުކަމަށެވެ. މުހައްމަދު ބުނީ އެފްއޭއެމުން ޓީމު ލިސްޓަށް ބަދަލު ގެންނަން ދިން ތިން ދުވަހުގެ މުއްދަތުގެ އެންމެ ރަނގަޅަށް ބޭނުންހިފައި ވެލެންސިއާ ވަނީ ވަރަށް ވަރުގަދަކޮށްފައި ކަމަށެވެ.
ޔުނައިޓެޑް ވިކްޓްރީ އަށް ތިން ޕޮއިންޓް ނޫން ގޮތެއް ނެތް ބޭނުންވާ ޓާގެޓް ހާސިލްކުރަން ބޭނުންވާ ކަމަށްވަންޏާ. ޔުނައިޓެޑް ވިކްޓްރީ ނުކުންނާނީ ތިން ޕޮއިންޓް ހޯދަން.
– މުހައްމަދު ބުނެފައިވެއެވެ.
މަޝްހޫރު ކުޅުންތެރިންތަކެއް ޔުނައިޓެޑް ވިކްޓްރީ އަށް ގެނެސްފައިވާތީ އެ ޓީމާ މެދު ކުރެވޭ އުއްމީދުތައް ވެސް މަތިވެފައިވާ ކަމަށާއި ހަގީގަތުގައި އޮތް ބޮޑު ޕްރެޝަރަކީ ވެސް އެއީކަމަށް މުހައްމަދު ވަނީ ބުނެފައެވެ.
އިރާދަކުރެއްވިއްޔާ ވެލެންސިއާއާ ކުޅެގެން މޮޅުވެވިއްޖިއްޔާ އެ ހުރިހާ އެއްޗެއް ބަރާބަރުވެގެންދާނެ މުޅި ސީޒަނަށް. މިހާރު ސްޓްރަގްލް ކުރަން ޖެހެނީ އެ ތިން ޕޮއިންޓަށް. މޮޅެއްވާ ހިސާބުން ފެށިގެން ޓީމު ބަރާބަރަށް ނޯމަލް ވެގެންދާނެ.
– މުހައްމަދު ވަނީ ބުނެފައެވެ.
ޔުނައިޓެޑް ވިކްޓްރީ (ޔޫވީ) އާއި ވެލެންސިއާ ކުޅޭ މެޗު ފަށާނީ މިއަދު ހަވީރު 4 ޖަހާއިރު އެވެ.
ކޮމެންޓު ފޮނުވާ