ރާއްޖޭގެ ތައުލީ ނިޒާމު އެ ފުށް، މި ފުށަށް ޖަހާތީ ކަންބޮޑުވެވަޑައިގަންނަވާ ކަމަށް ރައްޔިތުންގެ މަޖިލިހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
އަންހެނުންގެ ރޫހުގެ ރައީސްކަން ވެސް ކުރައްވަމުން ގެންދަވާ ރޮޒައިނާ އެގޮތަށް ކަންބޮޑުވެވަޑައިގެންނެވީ ކުރިއަށް އޮތް ރައްޔިތުންގެ މަޖިލިސް ދިމާވާތީ ސްކޫލު ކުދިންގެ އިމްތިހާނު އަވަސް ކުރަން ކުރިން ނިންމި ނިންމުން ބަދަލު ކުރަން ނިންމެވި ކަން ރައީސް ޑރ. މުހައްމަދު މުއިއްޒު އިއުލާން ކުރެއްވުމާ ގުޅިގެންނެވެ.
Mi sarukaarun thauleemee nizam efuh mifushah jahaa massala mee hama asluves bodu vejje massala eh. Mihaaru gina school thakuga Islam, Dhivehi, English exam hadhaifi! Mikan minister ah neygeybaa? Nimunu fahun anekka mi bunanee exam avas nukuraane vaahaka!https://t.co/V2ozhz6A3L
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) March 30, 2024
ރޮޒައިނާ "އެކްސް"ގައި ކުރެއްވި ޕޯސްޓެއްގައި ވިދާޅުވީ މި ސަރުކާރުން ތައުލީމީ ނިޒާމު އެ ފުށް، މިފުށަށް ޖަހާ މައްސަލަ މިއީ އަސްލު ވެސް ބޮޑުވެއްޖެ މައްސަލައެއް ކަމަށެވެ. އަދި މިހާރު ގިނަ ސްކޫލްތަކުގައި ދިވެހި، އިނގިރޭސި، އިމްތިހާން ހަދާފައިވާ ކަމަށް ރޮޒައިނާ ވިދާޅުވިއެވެ.
"މިކަން މިނިސްޓަރަށް ނޭނގެނީބާ؟ ނިމުނު ފަހުން އަނެއްކާ މި ބުނަނީ އެގްޒާމް އަވަސް ނުކުރާނެ ކަމަށް،" ރޮޒައިނާ ވިދާޅުވިއެވެ.
"ޕޯޑިއަމަށް އަރާފައި ކުއްލިއަކަށް އެއްވެސް ބަޔަކާ މަޝްވަރާ ވެސް ނުކޮށް ވާނުވާ ވެސް ނުބައްލަވާ ކުދިންގެ ކިޔެވުމާ ގުޅޭ ނިންމުންތައް އަބަދު މި ނިންމަނީ ކުއްލި ކުއްލިއަކަށް. ވަރަށް ދެރަ ކަމެއް މިއީ،"
"ސަންގު ޓީވީ" އަށް ދެއްވި ހާއްސަ އިންޓަވިއުއެއްގައި ރައީސް ޑރ. މުއިއްޒު ވިދާޅުވީ އެޑިއުކޭޝަން މިނިސްޓަރު ޑރ. އިސްމާއީލް ޝަފީއުއާ ވާހަކަ ދައްކަައިގެން، އެ އިމްތިހާނުތައް އަވަސް ނުކުރާ ގޮތަށް ހަމަޖައްސާނެ ކަމަށެވެ. އެފަދަ ކަންކަން ރާއްވަވާނީ، ބެލެނިވެރިންނާއި ދަރިވަރުންނަށް ދަތިނުވާ ގޮތަށް ކަމަށް އެމަނިކުފާނު ވިދާޅުވިއެވެ.
އެޑިއުކޭޝަން މިނިސްޓްރީން މީގެކުރިން ނެރުނު ސާކިއުލާއެއްގައި ބުނީ 2023- 2024 ވަނަ އަހަރުގެ ދިރާސީ ކަލަންޑަރުގައި ގްރޭޑު 7،8 އަދި 9ގެ ދަރިވަރުންގެ އިމްތިހާނު ބޭއްވުމަށް 16 އޭޕްރީލް އިން 27 އަށް ކަނޑައަޅާފައިވީ ނަމަވެސް މަޖިލިސް އިންތިހާބާ ދިމާވާތީ އިންތިހާބު ފަށާ ތާރީހަށް ބަދަލު ގެނެސްފައިވާ ކަމަށެވެ. އަދި އަދި މި މަހުގެ 27 އާއި އަންނަ މަހުގެ 25 އާ ދެމެދު ރަސްމީ ދުވަސްތަކުގައި އިމްތިހާނުތައް ބާއްވާ ނިންމަން އެދުނެވެ.
އިމްތިހާނު އަވަސް ކުރުމަށް ނިންމުމުން ގިނަ އަދަދެއްގެ ބެލެނިވެރިން ވަނީ އެކަމާ ކަންބޮޑުވުން ފާޅުކޮށްފައެވެ. އެގޮތުން ކުދިންނަށް އިމްތިހާނަށް ތައްޔާރުވާން ވަގުތު ނުލިބޭނެ ކަމަށް ބައެއް ބެލެނިވެރިން ބުނެފައިވެއެވެ.
ކޮމެންޓު ފޮނުވާ