މީގެ ދެ އަހަރު ކުރިން ރަޝިއާއިން ޔޫކުރެއިންއަށް ދޭންފެށި އުދުވާނީ ހަމަލާތަކުގައި ޔޫކްރެއިންގެ 31،000 ސިފައިން މަރުވެފައިވާ ކަމަށް ރައީސް ވޮލޮޑިމިރް ޒެލެންސްކީ އާދީއްތަ ދުވަހު ވިދާޅުވެއްޖެ އެވެ.
ކިއެވްގައި ބޭއްވި ނިއުސް ކޮންފަރެންސެއްގައި ޒެލެންސްކީ ވިދާޅުވީ ޒަހަމްވި މީހުންގެ އަދަދު ހާމަ ނުކުރެވުނީ އެކަމުގެ ސަބަބުން ރަޝިއާގެ އަސްކަރީ ރޭވުންތަކަށް އެހީތެރިވެދޭނެތީ ކަމަށެވެ. "މި ހަނގުރާމައިގައި ޔޫކްރެއިންގެ 31،000 ސިފައިން ވަނީ މަރުވެފައި. 300،000 އެއް ނޫން، އެއްލައްކަ ފަންސާސް ހާސް ނޫން… (ރަޝިޔާގެ ރައީސް ވްލަޑިމިއާ) ޕޫޓިން އެތަނުގައި ދޮގު ހަދަނީ… އެހެންނަމަވެސް މިއީ އަޅުގަނޑުމެންނަށް ލިބުނު ވަރަށް ބޮޑު ގެއްލުމެއް." ފެބްރުއަރީ މަހުގެ 24 ވަނަ ދުވަހު ޔޫކްރެއިންއަށް ދިން ހަމަލާއަށްފަހު ޔޫކްރެއިންގެ 13،000 ސިފައިން މަރުވެފައިވާ ކަމަށް 2022 ވަނަ އަހަރުގެ ފަހުކޮޅު ޔޫކްރެއިންގެ ތަރުޖަމާން މައިކައިލޯ ޕޮޑޮލްޔަކް ވިދާޅުވި ފަހުން ޔޫކްރެއިންއަށް އަސްކަރީ ގޮތުން ލިބިފައިވާ ގެއްލުމުގައި އެއްވެސް މިންވަރެއް ހާމަކޮށްފައެއް ނުވެއެވެ.
އަސްކަރީ ގޮތުން ލިބުނު ގެއްލުމެއް ރަޝިއާއިން ހާމައެއް ނުކުރާ އިރު، އެއީ ސިއްރު ކަމެއްގެ ގޮތުގައި އެ ގައުމުން ދެކެ އެވެ.
