ވެލާނާ އިންޓަރނޭޝަނަލް އެއަރޕޯޓުގެ އޭޕްރަން ސައިޑްގައި އާ ގްރައުންޑް ހޭންޑްލިން އިކުއިޕްމަންޓްތައް އިފްތިތާހު ކުރުމަށް ހާއްސަ ހަރަކާތެއް ބާއްވައިފި އެވެ.
މި އިކުއިޕްމަންޓްތަކުގެ ތެރޭގައި ހިމެނެނީ 4 ޕެސެންޖަރ ބަސް، 4 އެއަރކްރާފްޓް ސިޑި، 2 ޔުނިވާސަލް ލޯޑަރ، 2 ހައި- ލޯޑަރު، 10 ބެގޭޖް ޓްރެކްޓަރ، 1 މިނިވަން 14 ސީޓަރ، 1 ބަސް 32 ސީޓަރ، 1 އެއަރ ކޮންޑިޝަން ޔުނިޓް، 30 ކޯން އެންޑް ޗޮކްސް ޓްރޯލީޒް، 1 ކޮންޓެއިނަރ އެންޑް ޕެލެޓް ޓްރާންސްޕޯޓަރ، 4 ކޮންވެއަރ ބެލްޓްސް، 3 ގްރައުންޑް ޕަވަރ ޔުނިޓް، 40 ކޮންޓެއިނަރ އެންޑް ޕެލެޓް ޑޮލީސް، 1 ޓޮއިލެޓް ޓްރަކް އަދި 1 ޓްވިން ކެބްއެވެ.
މި ހަރަކާތުގައި އެމްއޭސީއެލްގެ މެނޭޖިންގ ޑިރެކްޓަރ މަހުޖޫބު ޝުޖާއު އާއި އެމްއޭސީއެލްގެ އިސް ބޭފުޅުންނާއެކު އޮޕަރޭޝަންސް ސްޓާފުން ބައިވެރިވިއެވެ. މި އިވެންޓުގައި އޮޕަރޭޝަންސްޓާފުންނާ ސެރެމޯނިއަލް ކީ ހަވާލުކުރީ މި ތަރައްގީ ރަމްޒުކޮށްދިނުމަށެވެ.
އެމްއޭސީއެލްއިް ބުނެފައިވަނީ، މި އާ ސާމާނު ގެނައީ ކުންފުނީގެ ޕާޓްނަރު އެއާލައިންތަކަށް ގްރައުންޑް ހޭންޑްލިންގެ ހިދުމަތް ހަލުވިކުރުމަށް ކަމަށެވެ. އަދި އޭގެ އިތުރުން ކުރިއަށް އޮތް މަސްތަކުގައި ޑެލިވަރީ ކުރުމަށް ބޭނުންވާ އިތުރު ސާމާނު ގެނައުމުގެ މަސައްކަތް ކުރަމުން ދާކަމުގައިވެސް ބުނެފައި ވެއެވެ. އަދި މި އާ ގްރައުންޑް ހޭންޑްލިންގ އިކުއިޕްމަންޓްތައް ބެހެއްޓުމުން ގްރައުންޑް ހޭންޑްލިންގ އިތުރުވެގެންދާނެ ކަމަށާއި ޙަރަކާތްތައް އަވަސްވެ، އެއަރލައިން ޕާޓްނަރުންނަށް ހަރުދަނާ ޚިދުމަތެއް ފޯރުކޮށްދެވޭނެކަމަށްވެސް އެމްއޭސީއެމްއިން ބުނެފައި ވެއެވެ.
