އަމާން ރާއްޖެއެއްވެސް ކަށަވަރުވާން އޮތީ ހަމަ މުޢިއްޒު ހޮވައިގެން ކަމުގައި ދީނީ އިލްމުވެރިޔާ ޝައިޚު ޢަލީ ޒައިދު ވިދާޅުވެއްޖެއެވެ.
ރިޔާސީ އިންތިޚާބުގައި ޑރ. މުއިއްޒަށް ތާއީދުކުރިކަން ހާމަކުރިފަހުން ޒައިދު ގެންދަވަނީ މުއިއްޒަށް ތާއީދުކޮށް އެކި ޝުއޫރުތައް ފާޅު ކުރައްވަމުންނެވެ. އަމާން ރާއްޖެއަކީ އެމްޑީޕީގެ މިފަހަރުގެ ކެމްޕޭން ޝިއާރެވެ. ޒައިދު ވިދާޅުވީ ރާއްޖޭގެ އަމާންކަން ގާއިމްކޮށް އަމާން ރާއްޖެއެއް ގާއިމްކުރެވޭނީވެސް ޑރ. މުއިއްޒު އިންތިޚާބު ކޮށްގެން ކަމަށެވެ. އަދި ހަމަ މިއާއިއެކު ރާއްޖެއަށް އޮތް ބޭރުގެ ނުފޫޒާއި، މިނިވަންކަމާއި ގުޅުން އޮތް އެކި ކަންކަމުން ސަލާމަތްވެވޭނީވެސް މުއިއްޒު އިންތިޚާބު ކޮށްގެން ކަމަށެވެ.
އަމާން ރާއްޖެއެއްވެސް ކަށަވަރުވާން އޮތީ ހަމަ މުޢިއްޒު ހޮވައިގެން! ބޭރުގެ ނުފޫޒުތަކަށް ދީލާނުލައި، ރާއްޖޭގެ މިނިވަންކަމާ އިސްތިޤްލާލް ވެސް އެންމެ ބޮޑަށް ކަށަވަރުވާނީ ހަމަ މުޢިއްޒު ހޮވައިގެން! އިރާދަކުރެއްވިޔާ ޑރ. މުޢިއްޒު މި އިންތިޚާބް ކާމިޔާބު ކުރައްވާނެ!
– ޢަލީ ޒައިދު ވިދާޅުވިއެވެ.
ރިޔާސީ އިންތިޚާބުގެ ރާއްޖޭގެ ދީނީ ގިނަ އިލްވެރިންގެ ތާއީދު އޮތީ ޑރ. މުއިއްޒަށްކަން ވަނީ ހަމަކޮށްފައެވެ. މުއިއްޒު ސިޔާސަތާއި ގެންގުޅުއްވާ އަހުލާގަކީ މިފަހަރުގެ އިންތިޚާބުގައި ގިނަ ބައެއްގެ ތާއީދު ލިބިގެންދިޔަ ކަންތައްތަކެވެ. މުއިއްޒު ވަނީ ރާއްޖޭގެ މިނިވަންކަމައި ސިޔާދަތާއި އިސްތިގުލާލު ދަމަހައްޓަވާނެ ކަމުގެ ޔަގީންކަން ރައްޔިތުންނަށް ދެއްވާފައެވެ.
